ایرانی واکاں خبر تالان کتگ کہ آواں 9 'شرور' دستگیر کتگ انت۔ اے شرارتی یا سلکارانی نیاما سئے شہ پھرہ، پنچ شہ نیکشھر و یکـّے شہ چاھبھار دستگیر کنگ بیتگ انت۔ مردماں دستگیری کنگءِ رمس دیگ نہ بیتگ انت۔ البت حالا شنگ کنگءِ رمس مرچییں انت۔
'رجا نیوز'ءَ شنگ بیتگیں حالا داتگ کہ سلاحبندیں واکاں ایرانشھر –پھرہءِ نزیکا پہ پٹاسگا یک گاڑییے مھتل کتگ۔ آئی پٹاسگا رند 500 کیلو تریاک و حشاش درکپتگ ایش واکداراں زرتگ انت و ایشانی سئے واھند اش دستگیر کتگ انت۔
ماں نیکشھر پنچ نفر کہ واکدار آواں شوھازیگ بیتگ انت، دستگیر کنگ بیتگ انت۔ ایش راھا بندگ، مردماں پُلـگ و نشوی درمانءِ سوداگریا میاریگ کنگ بیتگ انت۔ ایشانی نیاما چار کسانی نام نام نورمحمد –ر، سعدی –ش، عابد –ک و داداللہ –س ظاھر کنگ بیتگ انت۔
شہ چاھبھار کہ یک نفرے دستگیر کنگ بیتگ نام اش عبدالستار –ہ ظاھر کتگ۔ عبدالستارءَ جمال -ن نامیں مردمے تیر جتگ و ٹپـّی کتگ۔ تیرءِ توارا اشکنگا پولیسا وتا رسینتگ و جست پُرسا پد تیر جنوکءِ شوھازا در کپتگ انت، و عبدالستار اش دستگیر کتگ.
هیچ نظری موجود نیست:
ارسال یک نظر
وتی کلوا چێرا نبیس إت