گولوےءَ دجوکے دیست۔ گوشت ئی: دجک من ترا وراں۔
دجکءَ نہ زانت کہ گولو دجوک نہ ور أنت۔ پمیشا ترس إت، وتا پتات و گِلڑ ئی کت. پدا درّآئینت ئی: نیں باریں بہ ور!
پھوالیں گولوءَ وتی لٹـّک لک کت ، ڈگارا پشکانڈ جناں بیت، ھٹ ئی پچ کت أنت و زبان ئی پہ دجکءِ ورگا در کت۔
زبان ئی کہ دجکءِ کنٹگاں لگ إت، چیھال ئی کت: دجکءَ منی زبان گٹ گپت!
ماتیں گوکءَ چرگ بس کت؛ سرگ ئی چست کت، گولو ئی گوں حیرانی چار ات و پدا چرگا لگ ّ ات۔
ھمے درگتا دجک تچانیا وتی تھاریں ھونڈا کہ بیدءِ بُنا أت پترت۔ دجک ئی حال دات أنت۔: من چہ مزنیں ساھدارےءَ باج برت۔ منی خیالا شیر ے أت۔
دجکءِ دلیریءِ گپ چہ نیلیں زر و بَزیں لدا گوَست؛ ھر نیمگا تالان بیت۔ جنگلءِ ساھدار گوں ترس و لرز یکـّادگرءِ گوشاں ھلوت کناں بیت أنت: دجک جنگلءِ دلیر تریں ساھدار إنت۔
بلوچی نیوزءَ سیاھگء راھبند مٹـّینتگ۔
هیچ نظری موجود نیست:
ارسال یک نظر
وتی کلوا چێرا نبیس إت