اسرائیلی واکاں لانک بستگ کہ کساس ھزار بندیگیں عرباں شہ وتی بندیگجاھاں یلہ بہ دی اَنت۔ ایشانی بدلا پنچ سال ساریا عربانی چکانپگ بیتگیں یک اسرائیلی فوجیءِ آزادیا اسرائیل لوٹوک اِنت۔
بندیگیں عرب فلسطینی کہ اسرائیل اش یلہ دیگا اِنت، گیشتر اسرائیل سرا برتگیں سلاحبندیں بیڑاں گوں بیتگ اَنت۔ لھتے شہ ایشاں عمر قیدءِ سزا دیگ بیتگ اَنت۔
گوستگیں ھفتگا حماس و اسرائیلی واکانی نیاما قرارے بندگ بیتگ کہ آئیءِ ردا 1027 بندیگیں فلیسطینی بندیگانی آزادیءِ بدلا 25 سالگیں گیلات شالت نامیں اسرائیلی فوجءِ سپاھیگ یلہ دیگ بیت۔ اے سپاھیگ پنچ سال ساریا حماسءِ مردماں غازاءِ ھندا چکاپنتگ ات و ھماتانی بندیگ بیتگ۔
اسرائیلی واکاں یلہ دیگ بیوکیں سرجمیں عربانی نام انگت شنگ نہ کتگ اَنت، البت 477 کسانی نام تالان کنگ بیتگ اَنت۔ اے مردمانی نیاما 27 جنیں آدم اَنت۔
اسرائیلی بندراھبندءِ ردا بندیگیں مردمانی یلہ دیگا قانونی کنگءِ مقصدا پھکانی سزایاں بکشگءِ کاگد اودءِ صدرا یک پہ یک دست نشان جنگی اَنت۔
حال تائیوان نیوزءِ منّتا۔
تبصرہ: اگر اسرائیل و فلسطین جنگءِ دفتر چارگ بہ بیت، گڈا سھرا بیت کہ غازاءِ سرا گوستگیں اسرائیلی بیڑا آواں 1100 فلسطینی کشت اَنت۔ شہ بیڑا ساری فلسطینیاں 11 اسرائیلی کشتگ اتنت۔ بزاں ھر مرتگیں اسرائیلیءِ بیئڑا گرگءِ مقصدا آواں صد کس کشت۔ البت بندیگیں یک اسرائیلیءِ آزادیءِ درگتا ھزار بندیگیں فلسطینی یلہ دیگ بیگا اَنت۔
هیچ نظری موجود نیست:
ارسال یک نظر
وتی کلوا چێرا نبیس إت