بلوچ شاگردانی دو ٹولی مڑ اتنت، 4 ٹپّی بوت اَنت

بولان میڈیکل کالجءِ بلوچ شاگرد گل ۔بی اس اوءِ دو ٹولی وت ماں وتا مڑ اتنت۔ ایشانی یکّادگر پہ لٹ جت۔ اے لٹ جنگیءِ سببا چار شاگرد ٹپّی بوت اَنت۔ ٹپیانی نام مظفر کرد، بھاول لھڑی، اسلم مینگل و عباس اَنت کہ مان نادراھجاھا دوا درمان کنگ بیت اَنت۔ روچتاک آزادی

حالا شرکچ نہ داتگ کہ وت ماں وتا مڑوکیں بلوچ شاگرد کجا بی اس او ٹولی بیتگ اَنت۔ بلوچستانءَ سرجمیا سئے بی اس او ٹولی اَنت۔ یکے مینگل پارٹیءَ حمایت کنت و محی الدین ٹولیءِ ناما زانگ بیت اِنت، دومی بی اس او آزاد اِنت کہ گوں بی ان امءَ ھوارکار اِنت و سئمی پجار ٹولی اِنت کہ نشنل پارٹیءِ پلانگریا زیریت۔