ریکی ٹکءِ زمیناں پہ زور برگءِ پندل بیگا اِنت: سردار زاھد علی ریکی

تفتان سیمسرءِ یک ندارگے، پٹانانی ٹرک پہ سیمسرءِ گوازینگا اوشتاتگ اَنت

ریکی قبیلہءِ سردارزاھدعلی ریکیءَ گشتگ کہ تفتانءَ آوانی ملکتانی سرا این ایل سیءَ ناجایزیں تجاوزاتی جنگ ءُ زمینانی سرا قبضہ کنگا انت۔ اگاں قبضہ دورکنگ نہ بوت، گڈا آ ایران، اوگانستان ءُ دگہ ھمساھگیں ملکاں روگا لاچار بی اَنت۔

آئیا دیمترا گشتگ کہ تفتان دمگءِ شباب، موضع تالاب، موضع کیچور، موضع ریک ملک، موضع کیرتپکا ءُ موضع سیندک ریکی قبیلہءِ ملکت انت۔ ایشانی قانونی دستاوزیز مئے گورءَ است انت۔

آئیا چہ چیف جسٹس آف پاکستانءَ لوٹ کتگ کہ قبضہءِ نوٹسءَ بہ زوریت ءُ آواں انصاف بہ دات۔ اگاں انصاف نہ رس ات، گڈا آ لڈ ءُ ریچ ءَ مجبور بی اَنت۔ وش نیوز