مینگل پارٹیءِ چیردستیں بی اس اوءَ لھتے کس پہ وتی ذاتی فایدواں کارمرز کنگا اَنت

مینگل ٹولیءِ چیردستیں بی اس اوءِ پیسری جھدکار اللہ یار بلوچءَ گشت کہ آوانی ٹولیءِ ناما لھتے مردم پہ وتی کارانی شر کنگا مارمرز کنگا اَنت۔ ایشیءِ سببا قومی جھد تاوانبار بیتگ۔ کوئٹہ پریس کلبءِ دیما گوں حالکاراں کتگیں وتی ترانےءَ آئیا اے راز پاشک کت۔ اے ترانءِ درگتا شکیل بلوچ، افضل بلوچ، الفان بلوچ، ذریان بلوچ و دگہ لھتے کس نندوک اتنت۔

بلوچ ٹودےءَ شنگ بیتگیں حالےءِ ردا اللہ یارءَ حالکار سرکچ داتگ اَنت کہ بی اس اوءِ بنراھبندا سرکاری کارمندان تنظیمءِ عھدہ دار بیگءِ اجازت دیگ نہ بیتگ۔ پدا ھم بی اس اوءِ چیرمین محی الدین بلوچ محکمہ زراعتءَ فیلڈ اسسٹنٹے اِنت و مرکزی کارگشاد جاوید بلوچ PCSI شھدربرجاہ کوئٹہءَ مُنشیے اِنت۔ اے حسابا بی اس اوءِ مرکزی چیرمینءِ بے بستار اِنت، بلہ انگت نشتگ چیرجنی کنت و تنظیما دل سِتک ھواریں باسکانی ھُبا پرؤشیت۔