لشکری رئیسانی و سردار عطاءِاللہ مینگلءَ گدار کت

پاکستان پیپلز پارٹیءِ سنیٹر حاجی لشکری رئیسانیءَ ماں وڈ گوں سردار عطاءِاللہ مینگل گدار کت۔ پاکستان پیپلز پارٹیءِ دگہ راھشون میر عبدالرحمان مینگل، میر ھمایون عزیز کرد و سید سعداللہ شاہ اے گدارا گون اتنت۔ گدارءِ اصلی مقصد ظاھر کنگ نہ بیتگ اَنت۔ البت، مردمانی خیالا بلوچستانءِ ھنوگیں جاور چست ایر کنگ بیتگ اَنت۔ گدارا رند لشکری گوں وتی ھمراھاں دیم پہ کراچی رھادگ گپتگ۔ روچتاک آزادی

شہ داتگیں حال گستا روچتاک آزادیءَ نبیستگ کہ پاکستانءِ بنجاھی سرکارءِ نادلگوشیءِ سببا گوں بلوچستانءِ سلاحبندیں مردماں بیوکیں مزاکرات بے سوب آسر بیتگ اَنت۔ حالءِ ردا لشکری رئیسانیءِ جھدانی برکتا لھتے سلاحبند پہ مزاکراتا ساڑی بیتگ اَنت۔ البت سرکارا اے پڑا ھچ واھگ شون نہ داتگ۔ خاص رحمان ملکءِ بے مھری مزاکراتءِ ناکامیءِ سبب جوڑ بیتگ۔