مسلم لیگ نءِ جھدکارے سوچگ بوت، سندءَ بازیں کارگس ھم ماندارگ بوت اَنت

چھانگا مانگاءَ ن لیگ ءِ راھشون رانا شوکت ناشناسیں مردماں زندگا سوتکگ۔ آئیا ٹپانی درد نہ سگتگ انت ءُ بیران بوتگ۔ رانا شوکت مسلم لیگ ن چھامانگاءِ صدر ءُ پنجاب اسمبلیءِ اسپیکر رانا اقبال ءِ سیاد بوتگ۔ حالانی ردا رانا شوکت وتی اوتاک ءَ واب بوتگ کہ ناشناسیں مردماں آ مانداشتگ۔ رانا شوکتءِ زھگءَ گشتگ کہ مارا ویلءِ باروا مروچی سھبءَ سرپدی رستگ۔

سندءِ شھر سکھر، حیدرآباد، جیکب آباد ءُ کشمورءَ ناشناسیں سلاحبندیں مردماں مسلم لیگ نءِ کارگس مانداشتگ انت۔ خیرپورءَ مسلم لیگ ن ءِ سروک نواز شریفءِ عکس ماندارگ بوتگ انت۔ کارگسانی ماندارگءِ ھواریءَ سلاحبندیں مردماں ھوائی تیر گواری ھم کتگ۔ جیکب آبادءَ مسلم لیگ نءِ ضلعی صدر میر اسرار جھکرانیءَ بھتام جتگ کہ اے کارروائیءَ پیپلزپارٹیءِ کارندھاں کتگ انت۔ وش نیوز