دنیاءِ آبادیءَ ھمک سال 8 کروڑ مردم گیش بیان انت ءُ دنیاءِ آبادی چہ 7 ارب ءَ گیش بوتگ۔ 7 ارب مردمانی حساب گوں فلپائنءِ شھر منیلاءِ سرکاری اسپتالےءَ جنکوےءِ ودی بیگا سرجم بوتگ۔ اے چکءِ نام دانیکامے کما چو ایر کنگ بوتگ۔
اے درگتا اقوام متحدہ ءِ جھگیراں گوں جنکوکءِ ماتءَ گوں گند نند کتگ ءُ چہ اقوام متحدہءِ نیمگا یک چیکے ھم داتگ اش۔ فلپائنءِ سرکارءَ پہ جنکوکءَ اسکالر شپ ءُ پہ چکءِ پتءُ ماتءَ مالی کمکءِ جار جتگ۔
خاندانی منصوبہ بندی جھدءُ کوشستاں ابید دنیاءِ آبادی گشادیءَ گیش بیان انت۔ اقوام متحدہءِ ردا اے صدیءِ گڈسرا دنیاءِ آبادی دو سر گیش بیت اِنت ءُ ھستیں گواجن ھم کم بوت کن انت۔
پاکستان ھم مزنیں آبادیءِ واھندیں ملکانی لڑءَ ھوار انت۔ یک کساسےءِ ردا پاکستانءِ آبادی2050 ءَ داں 33 کروڑ مردماں سر بوت کنت۔ گیش بیوکیں آبادیءِ سببا چکاں جوانیں وانگ، وردنءُ دگہ آسراتیانی کمیءِ ترس پدر کنگ بیگا انت۔ وش نیوز
هیچ نظری موجود نیست:
ارسال یک نظر
وتی کلوا چێرا نبیس إت