خادم الحرمین شریفین شاہ عبداللہ بن عبدالعزیزءَ مملکتءِ وزیرءِ داخلہ ءُ نائب مزن وزیر شھزادہ نائف بن عبدالعزیز سعودی عربءِ ولی عھد نامینتگ۔ اے گپ شاھی دیوانءِ شنگ کتگیں جارےءَ جنگ بوتگ۔ شھزادہ نائف بن عبدالعزیز ولی عھدشھزادہ سلطان بن عبدالعزیزءِ بیرانیءَ پد سعودی عربءِ ولی عھد جوڑ کنگ بوتگ۔ سعودی عربءِ نوکیں ولی عھد نائف بن عبدالعزیز السعود 1933ءَ ودی بوتگ آ سعودی شاہ عبداللہ بن عبدالعزیزءِ برا ت ءُ یکے چہ شاھی خاندانءِ شھزادواں اِنت۔ شھزادہ نائف 1953ءَ ریاضءِ گورنر بوتگ۔ شاہ فیصلءَ 1970ءَ شھزادہ نائف نائب وزیر داخلہ جوڑ کتگءُ 1974ءَ آ وزیر داخلہ جوڑ کنگ بوتگ۔
وھدیکہ مارچ 2009ءَ شھزادہ نائفءَ نائب مزن وزیرءِ ذمواری دیگ بوتگ۔ شھزادہ نائفءَ شاہ عبداللہ ءُ شھزادہ سلطانءِ غیر موجودگیءَ بازیں رندءَ کابینہءِ دیوانءِ سروکی ھم کتگ۔ چریشاں ابید شھزادہ نائفءَ سعودی کمیٹی القدس انتفادہ سپر وائزر جنرلءِ ذمواری ھم گون بوتگ انت۔ آ ئیا سپریم کونسل برائے اطلاعات ءُ حجءِ سروکیءِ ھم کتگ۔ وش نیوز
هیچ نظری موجود نیست:
ارسال یک نظر
وتی کلوا چێرا نبیس إت