پاکستانءَ غیر سرکاری تنظیمءِ کارمندیں جنینے ھمراھاں بے آبرو کت

پاکستانءَ سیلابءِ سببا تباھکاریانی چاروکیں یک ٹولیےءَ ھمراھیں جنیں آدمےءَ وتی سئے ھوارکارانی سرا میار لڈتگ کہ آئیا بے آبرو اش کتگ۔ ام سحر نامیں اے پنجابی جنیں آدم گوں سئے پشاوری ھمراھاں شہ کوئٹہ پہ سروے کنگا پرونشل دیزاسٹر منجمنٹ نامیں غیر سرکاری تنظیمےءَ اوتل دیم داتگ۔ اودا یک کریہ کتگیں لوگےءَ داشتگ اش۔

ام سحرءَ پولیس سھیگ کتگ کہ ھمراھاں شپا آئی اش نشوی چیزے وارینتگ و پدا سئیناں ھواریا آئی بے آبرو کتگ۔ پہ پولیسءِ حال دیگا آئی کہ سرگپتگ، گڈا بے آبرو بیگءِ رکارڈ کتگیں ندارگ اش شون داتگ و کشتگ اش اگر پولیس ئی سھیگ کت، گڈا ویڈوا تالان کن اَنت۔ البت، جنیں آدمءِ شکایتءِ سرا پولیسا جوھر علی وقاضی اسد الرحمان نامیں دو کس دستگیر کتگ اَنت۔ قاضی خالد نامیں سئمی کس تتکگ۔

روچتاک توارءِ منّتا