 |
| ایران و امریکاءِ جنگ ماں عراق |
امریکاءِ کورٹےءَ مرچی یک کارباری مردمے سئے سال جیلءِ سزا دات۔ ایرانءِ گورا جنگی سلاح بھا کنگا ایشی ماریگ کنگ بوت۔ مایکل ٹوڈ نامیں امریکائیءَ شہ قاضی پھلی لوٹ ات کہ آئیا رد وارتگ۔ آئیا گشت سلاحاں بھا کنگءِ مقصد ایرانءَ کمک کنگ و امریکائی فوجیانی زندگیاں خطرا دور دیگ نہ بیتگ۔ البت آئیءِ وتی کاربار نقصان کنگا بیتگ، پمیشا ایرانءِ گورا سلاح ئی بھا کتگ۔
گوں مایکل ٹوڈ یک دگہ مردمے کہ بُندرا ایرانی یے بیتگ، شہ شکاگو دستگیر کنگ بیتگ ات۔ دوئینانی سرا میار لڈگ بیتگ ات کہ پہ ایرانی جنگی گراب و ھلی کاپٹراں پرزگ اش گوں پندل ایرانءَ راہ داتگ اَنت۔ قاضیا گشت کہ اے یک ترسناکے کارے بیتگ۔ ایشیءِ سببا سئے سال بندیگیءِ کشا مایکل ٹوڈ صد ھزار ڈالر ملام کنگ ھم بوت۔ شکاگوءَ دستگیر بیتگیں حمید سیفی فروریءَ پہ 56 ماھاں جیلا راہ دیگ بیتگ ات۔ اے اف پی
یک دگہ حالےءَ داتگ ات کہ دگہ پنچ مردمانی سرا میار لڈگ بیتگ کہ آواں ایرانءِ گورا وائرلس پرزگ بھا کتگ۔ ھمے زرتگیں پرزگ مان عراق کارمرز بیتگیں ٹرورسٹی بمباں کارمرز بیتگ اَنت۔ بمباں بازیں امریکائی فوجی ھم کشتگ اَنت۔ اے پنچیں مردماں پرزگ اولا سنگاپور راہ داتگ اَنت و شہ اودا ایرانءَ سر کنگ بیتگ اَنت۔ اے بی سی
هیچ نظری موجود نیست:
ارسال یک نظر
وتی کلوا چێرا نبیس إت