کوئٹہءِ خروٹ آباد میتگ افغانی طالب و آوانی پاکستانی ھمدرداں پہ وت پناہ جاہ جوڑ کتگ۔ ھر چار ماھا وھدے کہ شہ افغانستان جنگءِ پڑا طالب چھر کن اَنت، خروٹ آباد میتگا کریہ کتگیں لوگاں سرجم بی اَنت۔
پاکستانی سرکار یکّوئی نہ منّیت کہ کوئٹہءَ طالب ھست اَنت۔ البت دی ایکپریس ٹربیونءِ شنگ کتگیں حالءِ ردا میتگا طالبانی یکجاھیا کش گورا نندوکیں مردم پریشان کتگ اَنت۔ مردم ترسگا اَنت کہ نہ کنئے امریکا پہ طالبانی جنگا راکٹے دور بہ دات و ھمساھگ بیگءِ سببا آ تاوانبار بہ بی اَنت۔
طالب جنگولاں خروٹ آبادءِ مدرسہ پہ نندگا مفتی لوگ دیگا اَنت۔ طالب آزادیا میتگا ترتاب کن اَنت، پرچاکہ دلجم اَنت کہ میتگ پہ آواں محفوظ اِنت۔ ھمے وڑا میتگءِ مدرسہ نوکیں طالباں جنگولانی ھمراہ بیگا ساڑی کنگءِ جاگہ اَنت۔ ھمدا راھا آرتگیں شش تانکہ ھشت طالب ھر ماہ گوں جنگولاں ھمراہ پہ جھاد کنگا افغانستانءَ رو اَنت۔
حال انڈین ایکپریسءِ منّتا
هیچ نظری موجود نیست:
ارسال یک نظر
وتی کلوا چێرا نبیس إت