یک پولکاریےءَ پد رستگیں سرپدیءِ ردا برطانیاءِ گیشتر مردم ملکءِ شمالی پرگنگ اسکاٹلندءِ آزادیءِ پلانگریا زیرگا اَنت۔ پرے خبرا پرگنگءِ آزادیا لوٹوکیں اسکاٹلند نشنل پارٹیءِ سروک الکس سالمونءَ شادھی درشان کتگ۔ آئیا گشتگ: اے واھگءِ حمایتی باز اَنت کہ اسکاٹلند وتی پادانی سرا بہ اوشتیت و دنیاءَ وتی جاگھا وت جوڑ بہ کنت۔ اسکاٹلند پرگنگیءِ سرکارا شَور بستگ کہ ھنوگیں پارلمنٹءِ دورءِ دلگاھا پہ آزادیا رفرندمے برجاہ بہ داریت۔ ھمے ردا برطانیاءِ سروزیر دیوڈ کیمرونءَ واھِتگ کہ زیتا شہ زیتر رفرندم بہ بیت۔ البت پرگنگی سرکارءِ سروک الکس سالمونءَ نہ منّتگ و وتی گیشینتگیں وھدا رفرندما برجاہ دارگءِ چن لانچا کنگا اِنت۔
مرکزی سیاسی گلاں وت ماں وتا ھمے مارتگ کہ آواں سکاٹلندءِ آزادیءِ جنزءِ دیما سیاسی جھد نہ کتگ۔ پمیشا آزادیءِ واھگا رُشت کتگ۔ البت نیں آواں آزادیءِ خلافا مردماں راھا آرگءِ جھد بنا کتگ۔ ھمے ردا لبرال دموکراٹ پارٹیءِ راھشونا گوَستگیں ھفتگا درائینتگ ات: پہ آزادیا رفرندم کنگءِ خبرا مردم سربَتگ کتگ اَنت و پہ کارباری مردماں نادلجمی ئی آرتگ۔ ایش پہ معیشتا بودییں کارپد نہ اَنت۔
رفرندما دو جست بیت کن اَنت؛ یکے آزادیءِ پلانگری بیت اِنت و دومی مخالفت۔ البت سئمی جست کہ حق ملکیت اِنت اگر ھوار کنگ بیت، گڈا پہ مرکزی واکداراں جیڑہ ودی کت کنت۔ پرچاکہ بنجاھی سرکارا ھواریں لبرل دموکراٹ پارٹیءِ بنراھبندا پرگنگانی وتی مِلکتانی وت واھندی منّگ بیتگ۔ لبرال دموکراٹ سئمی لوٹءِ خلافا شت نہ کن اَنت۔
حال فاننشل ٹایمزءِ منّتا
هیچ نظری موجود نیست:
ارسال یک نظر
وتی کلوا چێرا نبیس إت