بی ان پیءِ دستبندیءِ سرا بلوچستانءَ کاربندی بوت: بی بی سی

پہ وتی مردمانی آزادیا شد کشیا نشتگیں بلوچ جنینانی مُچیا 570 روچ پرگوَستگ: حال

بی بی سی اردوءِ داتگیں حالےءِ ردا دو روچانی تھا ھفت جستدانی دستا کپگا رند بلوچستانءِ مزنیں شھر تربت، پسنی، گوادر و خصدارءَ بی ان پیءِ دستبندی سرا جمعہءَ کاربندی بیتگ۔ پنچشنبہءَ جسدانی دستا کپگا رند بی ان پیءَ سئے روچ سوگ دارگءِ جار جتگ ات۔

وائس فور مسنگ پرسنزءِ چیردستیں صدرءَ گوں بی بی سی گشتگ کہ شہ گوَستگیں سالءِ جولائیءَ تانگہ 300ءَ انگت گیشتر مردمانی جسد رستگ اَنت۔ سرکارءِ جوڑ کتگیں آمید گسیءِ کمیشنءِ سرا ماما قدیر بلوچءَ کچّہ چِت و گشت کہ ایشیءِ جوڑ بیگا بڈے ماہ پرگوستگ، بلہ انگت قاضی جاوید اقبالءَ گوں گاریں مردمانی کٹماں گپ نہ کتگ۔

ھفتیں جسداں چست کنگا شہ یک روچے ساریا کمیشنءِ سروک قاضی جاوید اقبالءَ گشتگ ات کہ اگر آئی گاریں مردمانی درگیجگا سوبین نہ بیت، گڈا وتی ذمواریءَ یلہ دات اِنت۔ اودا کوئٹہ پریس کلبءِ دیما گاریں مردمانی سیالانی تھروزی شد کشیءَ 570 روچ سرجم بیتگ اَنت۔