مسلم لیگ نءِ بنجاھی چیردستیں صدر و سندءِ گوستگیں سروزیر سید غوث علی شاہءَ گشتگ کہ راجی معیشتءِ تھا تاجر جوانیں کردےءِ واھند اَنت۔ آ سیرینءِ ھڈءِ ڈولا انت۔ اگر صنعتکار و تاجراں سرکار گھتریں آسراتی بہ دات، گڈا بے روزگاری کمتر بیت کنت۔ آئیا دیمترا درشان کتگ کہ سرکار گشگا اِنت گوستگیں دورءِ سرکاراں ملکا شہ برقءِ تنگیءَ رکّینگءِ پڑا ھچ نہ کتگ۔ راستیا راج سرپد اِنت کہ ھستیں سرکارا وتی 3 و نیم سالانی دورا برقءِ تنگیءَ دیرکنگا ھم پیسریانی ڈولیں گامگیج زُرتگ اَنت۔ اے گپ سید غوث علی شاہءَ صرافہ بازار ایسوسی ایشنءِ صدر و اسمال ٹریڈرزءِ راھشون جاوید میمنءِ شامءِ دعوتا آتکگیں تاجرانی دیما گشتگ اَنت۔
جاوید میمن و دگہ بازیں تاجر راھشوناں ھم ملکا برقءِ تنگی، بیروزگاری و ناامنیءِ کشا تاجرانی ھستیں جیڑہ دیما آرتگ انت۔
سید غوث علی شاہءَ دیمترا گشتگ کہ مسلم لیگ ن جھدا انت کہ ملکا جمھوریت پاداں مھر کنگءِ کشا کشا معیشتا ھم گھتر بہ کنت۔ ھنیگیں سرکارءِ ناسرجمیں پالیسیاں ملکءِ معیشتءِ گراف جھل دور داتگ۔ وش نیوز
هیچ نظری موجود نیست:
ارسال یک نظر
وتی کلوا چێرا نبیس إت