بلوچستانءِ کشارکاراں برقءِ زر نہ داتگ، پمیشا نوکیں ٹیوب ویل اش نہ رسیت: امریکا

یو اس اَیڈءِ سروکا گشت ”بلوچستانءِ کشار کاراں نوکیں ٹیوب ویل دیگءِ کار دیما برگ بیت نہ کنت، پرچاکہ ایشاں برقءِ بِل پُر نہ کتگ اَنت۔ البت، پاکستانءِ آ دگہ ھندانی کشارکارانی ٹیوب ویلاں نوک کنگءِ کار برجاہ دارگ بیت اِنت۔“

نوکیں ٹیوب ویل کمتر برق سوچ اَنت و ایشانی برکتا پاکستان باز برق پشت گپت کنت۔ ”البت، یک دمگےءَ کہ مردماں پیسرا سوتکگیں برقءِ زر پُر نہ کتگ اَنت، اودءِ مردماں کم نھادی آپی مشین دیگ روا نہ اِنت“ اے گپ یو اس ایڈءِ کماش جون پولرءَ گشت۔

ٹریبیون ایکپریس نامیں حالجاھےءِ ردا قرار بیتگ کہ نوکیں مشینانی قیمتءِ نیما امریکا بہ دات و آدگہ نیما کشارکار بہ دی اَنت۔ اے نوکیں مشین شہ پیسریانی نیما کمتر برق سوچ اَنت۔

بلکیں بلوچستانءِ کشارکاراں فکر کتگ کہ سوئی گیسءِ دیما آ برق سوچ اَنت و گوں پاکستانءَ حسابا برابر کن اَنت۔ اے سرپد نہ اَنت کہ پاکستان وتی برقءِ زرّانی دیما آوانی زمیناں برگا ھم چک پد نہ بیت اِنت۔