ذوالفقار مرزا مرچی برطانیاءِ ھاؤس آف لارڈءَ تران کنت

پاکستانءِ سند پرگنگءِ توکی کارانی پیسری وزیر ذوالفقار مرزا مرچی برطانیاءِ ھاؤس آف لارڈءَ تران کنت و دوشنبہءَ گوں لندن پولیسا گدار کنت۔ اے حال ‘لیاریءِ دوست‘ گلءِ سروک حبیب جانءَ ڈان نیوزءَ دات۔ سندءِ انفارمیشن وزیر شرجیل میمن و امداد پٹافی ذوالفقار میرزاءِ ھمراہ اَنت۔

گوں ذوالفقار مرزاءَ شرجیل میمنءِ ھمراداریا سند پرگنگءِ سروزیر سید قایم علی شاہ بژنیگ کتگ و آئیا گشتگ کہ شرجیل شوکاز نوٹس دیگ بیت۔ شرجیل میمنءَ قایم علی شاہءِ دلرنجیءِ حال کہ سر بیتگ، آئیا زیتا زیت پاکستانءَ چھر کنگءِ ارادہ کتگ۔ ڈان نیوز

ترانگ بہ کپ ات کہ ذوالفقار مرزا ماں لندن کشگ بیتگیں متحدہ قومی موومنٹ راھشوان عمران فاروقءِ کیسءِ باروا لندنءِ آتکگ و اے ردا لندن پولیسءِ دیما شاھدی دات۔ ذوالفقار مرزاءَ عمران فاروق و دگہ بازیں کسانی کوشءِ میار متحدہ قومی موومنٹءِ سروک الطاف حسینءِ سرا لڈتگ اَنت۔ الطاف حسین سالاں سال اِنت کہ لندنءَ جاھمنند اِنت۔