وش نیوزءِ شنگ کتگیں حالےءِ ردا سرجمیں پاکستانءَ عیدءِ دومی روچا ھم سنت ابراھیمیءَ پیلو کناں مردم براق کشگا دستگٹ بیتگ انت۔ بازیں دمگاں شھریاں عیدءِ اولی روچا اللہءِ راھا براق قربان کتگ انت۔ البت، پشت کپتگیں مردماں دومی روچا وتی اے فرض ادا کتگ۔
کراچیءَ سرکارا بازیں جاگہ پہ براق کشوکاں گیشنتہ بیتگ اَنت۔ تانکہ مردم وتی براقاں ھمودا بہ کش اَنت و گسڑ یکجاہ بہ بی اَنت، بلہ بازیں مردماں سرکارءِ گچین کتگیں جاگھاں براقاں برگ و کشگءِ بدلا وتی پسندءِ جاگھاں کشتگ اَنت۔ و روت و سگِنداں دگاںی کرّا رنبیتگ اَنت۔ ایشی سببا ھر نیمگا بد بو و گندگی تالان اِنت۔
وش نیوزءِ ردا لیاری ٹاؤن و گارڈن ٹاؤنءِ گیشتریں دمگاں دلوتانی گسڑ کپتگ انت۔ ایشیءِ سببا پہ مردماں روگ و آیگ مشکل بیتگ۔ ھواریا جراثیمی نادراھی چؤش کہ ڈینگی وائرسءِ تالان بیگءِ بیم ودّتگ۔
هیچ نظری موجود نیست:
ارسال یک نظر
وتی کلوا چێرا نبیس إت