مغربی بلوچستانءَ نیکشھر ۔ پھرہ راھا یک ٹرافک کزائےءَ پرپٹ سوارے کشگ بوت۔ شنبہ و یکشنبہءِ درمیانی شپا یک پژو سواری گاڑیےءَ پرپٹ ٹوکر جتگ۔ ٹوکرءِ سببا پرپٹ سوار کپتگ و بیران بیتگ۔ پژو گاڑیءِ ڈرائور اے کزاءَ ٹپی بیتگ۔ ارناگوستگیں سئے شنبہءَ ارناءَ حال شنگ کتگ ات کہ بلوچستانءِ راھاں ٹرافک کزایانی سببا شش کس کشگ و چار ٹپی بیتگ اَنت۔
آ حالا سرکچ داتگ ات کہ پھرہ ۔ واش راھا دو گاڑیانی ڈیک ورگا دوینانی ڈرائور کشگ بیتگ اَنت۔ دگہ یک مردمے زاھدان ۔ بم راھا ھمے ڈولا بیران بیتگ۔ چدا سارای سراوان ۔ کوھک راھا ھم یک لارےءِ ٹوکر ورگا رند پرپٹےءَ سواریں دو کس کشگ بیتگ اتنت۔
مغربی بلوچستانءَ مرتگیں گیشتر مردم ھمے وڑیں جاورانی آماچ بیگا اَنت۔ ایشانی سبب باز اَنت۔ مزنتریں سبب تیز رواجی اِنت۔ دگہ لھتے سبب شہ لب واریں پولیسا وتا رکّینگءِ مقصدا گاڑیاں تیز تاچینگ اِنت۔ پدا کوھستگ بیگءِ سببا راہ ھم چپ چوٹ اَنت کہ پہ تیز رواجاں موتءِ تلک اَنت۔
هیچ نظری موجود نیست:
ارسال یک نظر
وتی کلوا چێرا نبیس إت