کراچیءِ جدا جدائیں ھنداں رینجرزءَ بازیں مردم دستگیر و سلاح پچگپتگ اَنت

کراچیءِ جداجدائیں ھنداں رینجرزءَ پٹاسکاری کتگ۔ اے نیاما بازیں مردم دستگیر کتگ انت و سلاحاں ھوار 2 گاڑی ھم پچگپتگ اَنت۔

گوستگیں 48 کلاکانی نیاما سند رینجرزءَ کراچی ءِ ھند سلمان فارسی سوسائٹی، جمعہ گوٹ، شاہ فیصل ٹاؤن، سائٹ ٹاؤن، اورنگی ٹاؤن، گلشن اقبال و ماری پورءَ پٹاسکاریانی درگتا 32 مردم شقءِ سرا دستگیر کتگ انت۔ شہ ایشاں 13 درملکی سلاح و 2 پلتگیں گاڑی رینجرزءَ پچگپتگ اَنت۔

رینجرزءِ ربالکارءِ ردا سند رینجرزءَ مزنیں عیدءِ درگتا عیدءِ نمازیانی پھازگا رستگاریءِ الکاپیں بند بست سرجم کتگ انت۔ ایشانی کشا رینجرزءَ پولیسءِ ھمراھیا کراچیءِ بازیں دمگاں گشتءِ کنگءِ منصوبہ کتگ۔ پولیس افسر چودھری اسلمءِ ردا سی آئی ڈی پولیسا گچینی مردماں کشوکیں سئے مردم ھم دستگیر کتگ انت۔ ایشاں 40 مردماں کشگءِ ذمواری وتی سرا زرتگ۔ وش نیوز