سلاحانی انبارءِ تراکا کشگ بیتگانی نیاما یکے ایرانءِ مزائل پروگرامءِ بنھشت ایرکنوکیں پاسدار کماندار بیتگ

شنبہءِ روچا ایرانءِ بنشھر تھرانءِ نزیکا سلاحانی انبارا بمبتراکءِ سببا کشگ بیتگیں 17 کسانی نیاما یکے پاسدار کماندار بریگیڈیر حسن مقدم بیتگ۔ حسن مقدم ایرانءِ میزائل پروگراما ردوم دیگءِ ذموار بیتگ۔ ایرانی واکاں بریگیڈیر حسن مقدمءِ کشگ بیگ منّتگ و گشتگ کہ سلاحانی انبارا بیتگیں تراک وت سرا وت بیتگ۔ البت، لیکہ درشان بیگا اَنت کہ ایشی ایرانءِ جوھری سلاحءِ پروگرامءِ خلافا پندلانی بھریں کار زوالیے بیتگ۔

گوں اسرائیلی فوجی چاریگاں نزیکیں امریکائی تجزیہ نگار رچرڈ سلورسٹینءِ ردا اے تراک ایرانءِ مجاھدین خلقءَ گوں موسادءِ ھوارکاریا کتگ۔ البت، اسرائیل و موسادءَ تانگہ ایشیءِ ذمواری وتی سرا نہ زرتگ، بلہ اسرائیلءِ رسانکاں اے باروا بازیں چست ایر کتگ۔ پرچاکہ تراک ھنچوشیں زوراکینے بیتگ کہ آئیا کش گوَر جکسینتگ اَنت۔ سڈنی مارننگ ھیرالڈ