بلوچستانءِ نمایندگی کنوکیں سنیٹر و پیپلزپارٹی بلوچستانءِ پیسری سروک حاجی لشکری رئیسانیءَ گوں وش نیوزءَ گپ کناں گشت کہ ھما بلوچ مزاحمتکار کہ گوں سرکارا پہ مزاکراتا ساڑی بیتگ اَنت و اے ردا گوں آئی اش رابطہ بیتگ، نامانی پاشک کنگ اش پہ ھمایانی ایمنیا شر نہ اِنت۔ البت، ”آ نام منی گورا وش نیوزءِ امانت اَنت“ رئیسانیءَ زبان دات۔ پدا گیش ئی کت کہ سرمچارانی واھگءِ جوابا تانگہ سرکارا ھچ نہ گشتگ۔ نے کہ آ سھیگ اِنت کہ مزاحمتکار و بلوچستان سرکارءِ نیاما رابطوے ھست۔ پاکستانءِ نیمگا ھندوستانءَ دلدوستیں ملکے منّگءِ باروا رئیسانیءَ گشت کہ سند، بلوچستان خیبر پھتونخواہ پرگنگاں مدام ھندوستان وتی دوستے منّتگ، بلہ لھتے چیریں دستاں گوں ھندوستانءَ سیادی جرمے ظاھر کتگ۔ نیں باید آ پھلّی بہ لوٹ اَنت۔ بلوچستانءِ مزاحمت کار و سرکارءِ نیاما مزاکرات نہ بیگءِ باروا لشکری رئیسانیءَ درّائینت ”گوں ناراضیں بلوچاں گپ کنگا ریاست سنجیدہ نہ انت۔ پمیشا اے عمل دیما نہ روگا انت۔“
هیچ نظری موجود نیست:
ارسال یک نظر
وتی کلوا چێرا نبیس إت