کوئٹہ ۔ جرمنیءِ کونسل جنرل داکٹر ٹیلو کلینرءَ گشتگ کہ جرمن سرکار بلوچستانءِ ترقیءِ کارا ھوار بیگا واھوک اِنت و لوٹیت کہ پہ بلوچستانءِ مردمانی دیمرویا آسراتی بہ دات۔ آئیا اے گپ وتی اولی بلوچستانءِ تر تابءِ وھدا حالکارانی دیما درشان کتگ اَنت۔ اے درگتا جرمنیءِ معیشتی و سیاسی تکانی چیردستیں کارگشاد فردنانْد جِنرش، و نادینتگیں کونسل جنرل (رٹائرڈ) بریگیڈیرعبدالرزاق بلوچ ھم ھمراہ بیتگ اَنت۔
داکٹر کلینرءَ گشتگ کہ ھنچونائیا جرمنی شہ سال 1990ءَ دیم پہ انگو بلوچستانءَ ٹکنیکل تعلیم دیگا گون اِنت۔ اے ردا ماں کوئٹہ، لسبیلہ و چاگیءَ ھیلکاری بجناہ ٹھینتگ اَنت۔
آئیا گشتگ کہ جرمنیءِ مالدار بلوچستانءَ سرمایہ گزاریا واھوک اَنت۔ متبادل توانائیءِ پڑا جرمنی یکے شہ مزنتریں سرمایہ گزاران اِنت و گوں روچ و گواتءِ زورا بلوچستانءَ متبادل توانائی جوڑ کنگءِ جاور پہ گِیگ اَنت۔ جرمنی وت ھم جھدا اِنت کہ شہ 2050ءَ پد وتی ملکءِ سرجمیں ضرورتان گوں متبادل توانائیا پیلو بہ کنت۔
بلوچستانءِ چیر زمینی طلا و تاسءِ مڈیانی باروا یک جُستےءِ پسّوا آئیا گشت کہ بلوچستانءِ سرکار و ٹی سی سیءِ نیاما انگت گپ بیگا اَنت۔ آئیا امید درشان کت کہ بلوچستانءِ سرکار و ٹی سی سی گوں یکّا دگرا راضی بی اَنت، تانکہ دگہ درملکی کمپنیاں دلجمی بہ رسیت و بلوچستانءَ سرمایہ گزاری کت بہ کن اَنت۔ پاکستان ٹوڈے
هیچ نظری موجود نیست:
ارسال یک نظر
وتی کلوا چێرا نبیس إت