کچکےءَ بازیں مردم گٹ پاتک اَنت

سانگھڑ دمگءِ ورکشاپ میتگءِ غلام قادر شرءِ وروکیں کچکا یکیں لوگءِ 5 مردم گٹ پاتکگ و ٹپی کتگ انت۔ گٹ پاتکگیں مردم ھسپتال پہ ھسپتال گردتگ انت، بلہ آیاں ویکسین نہ رستگ۔ کچکءِ آماچ بیتگیں زھگانی مردماں گشتگ کہ آ اش کدی پی ڈی او و کدی کجا نیمگا راہ داتگ اَنت، بلہ ھچ جاگہ ویکسین نہ رستگ۔ پمیشا چکانی زند گوں خطراں دیم پہ دیم اَنت۔

علی خان مریءَ سرپدی داتگ کچکا آئیءِ لوگا 6 ماہءِ چک ثمینہ، 6 سالءِ دربانو، 8 سالءِ بیگم، 10 سالءِ حسن بخش و 11 سالءِ علی نواز گٹ پاتکگ اَنت۔ البت، پہ اے زھگاں آئیا سرکاری نادراھجاھاں ویکسین نہ رستگ و ھر زرے کہ آئیا بیتگ چہ پرائویٹ درمانجاھاں ویکسینءَ سرا خرچ کتگ اَنت۔ وش نیوز