بلوچستان اسمبلیءَ بی این پی عوامیءِ پارلیمانی لیڈر و پرگنگی وزیر سید احسان شاہءَ گورنمنٹ گرلز ماڈل ھائی اسکول تربت، گرلز ڈگری کالج تربت و گرلز ھائی اسکول کلاتک چار اتنت۔ اے ترتابا گوستگیں وزیر غفور احمد بزنجو، ڈپٹی کمشنر کیچ عبدالحفیظ ھوت، ڈسٹرکٹ ایجوکیشن آفیسر منیر کریم، ڈائریکٹر ایجوکیشن یار محمد بلوچ، ڈپٹی ڈائریکٹر سوشل ویلفیئر محمد عصاء و دیگہ افسر، و گلءِ لھتے باسک آئیءِ ھمراہ اتنت۔ گرلز ماڈل اسکول تربتءِ اسکاؤٹس مکتبیاں سید احسان شاہ وش آتک کت۔ پد آئیا اسکولءِ کتابجاہءِ افتتاح کت۔ پہ اے کتابجاھا آئیا 3 لک کلدارءِ کتاب دات۔ پدا جار پیرینت کہ اسکولءِ کتابجاہءِ ماڑی آڈ کنگ بیت اِنت۔ سمال انڈسٹریزءِ بنجاھے جوڑ کنگ بیت اِنت، تانکہ جنکیں مکتبی دستکاری و گددوچی ھیل بہ گر اَنت۔
گورنمنٹ ڈگری کالج تربتءِ ترتابءِ درگتا کالجءِ پرنسپل گوھر عزیزءَ آئی سھیگ کت کہ کالجءِ تھا گرلز ھاسٹل و چکاسی ھال نیست اِنت۔ صوبائی وزیرا پرنسپل و ٹیچنگ اسٹاف دلجم کت اَنت کہ پہ کالجا جنکی ھاسٹل زوت جوڑ کنگ بیت اِنت۔
تربتءِ ڈویژنل ھسپتالءِ ترتابءِ درگتا وزیر احسان شاہءَ او پی ڈیءَ داکٹرانی بانءَ شت و داکٹرانی حاضری چار اتنت۔ پدا ڈائیلاسز سینٹر بزاں گٹگاں صاف کنگءِ بانا شت و شہ اودءِ جاوراں سرپدی گپتگ۔ آئیا ھسپتالءِ او پی ڈیءِ دومی بھرءِ شیدءِ جوڑ کنگ و دیگہ جنجالاں گیشینگءِ جار پرینتگ۔
وزیر احسان شاہءَ آئی ام اسءِ کارگسءَ ڈاکٹر، ام اس و ڈپٹی ام اس گشت انت کہ آئیا وش نیوزءَ ڈاکٹرانی غیر حاضریءِ سرا رپورٹے دیستگ و باز پدرد بیتگ کہ ڈاکٹر اے پیغمبری پیشگءِ تھا ڈیوٹی دیگا کاھلی کن انت۔
آئیا ام اس و ڈی سی کیچ کڈن کت انت کہ ھسپتالءِ تھا ڈاکٹرانی حاضری الم کنگ بہ بیت۔ ”ھر ڈاکٹرے کہ ڈیوٹی نہ دات، آئیا ٹرانسفر کنگءِ رپورٹا سیکرٹری ھیلتھءَ روان بہ دی اِت۔ ھفتگی رپورٹ ھم جانسلامتیءِ کارگشاد و منی سرا روان بہ دی ات، تانکہ ما غیر حاضر ڈاکٹرانی خلافا گامگیج چست کت بہ کناں“ وزیر احسان شاہءَ وتی گپ گیشینت۔
اے وھدا ڈی سی کیچ عبدالحفیظ، ام اس ڈاکٹر جاوید، ڈپٹی ام اس ڈاکٹر عبدالطیف دشتی، ڈی اچ او ڈاکٹر امید علی محسن، ڈپٹی ڈی اچ او منیر احمد بلوچ و دیگہ ساڑی ساڑی اتنت۔ وش نیوز
هیچ نظری موجود نیست:
ارسال یک نظر
وتی کلوا چێرا نبیس إت