”22 سالگیں ملک بلوچ چکءِ محمد حسن 25 اکتوبر 20011ءِ شپا شورشی ٹولی بلوچ لبریشن فرنٹءَ آوار جتگ و سئے روچ رندا آئیءِ جسد ماں کسانو ھندا دور دیگ بیتگ۔ آماچءِ پتءِ بیان روچتاک توار و بلوچی حال سایٹا شنگ بیتگ۔ چیرا داتگیں لنکا بہ چار ات: لنک
”بلوچ لبریشن فرنٹءَ 5 نومبرءَ شنگ بیتگیں وتی یک حالتاکی بیانےءَ اے کوشءِ ذمواری وتی سرا زرتگ۔ و آماچ اش سرکاری چاریگ و غدّارے ظاھر کتگ۔ ترانگ بہ دیاں کہ آماچ اش پہ زور آوار جتہ بیتگ۔
”من اے چکانپگ بیتگ، کشتگ و دور داتگیں 22 سالی ملکءِ جیڑوا UN-WGEIDءِ واجہ جریمی سرکین، امنسٹی انٹر نشنال، اشین یومن رائٹس کونسل، پہ زور گار کنگ بیتگیں مردمانی پانکجنوکیں اشین فیڈریشن، ریڈ کراس انٹر نشنل کمیٹی، پاکستانءِ انسانی حقانی پانکجن و انٹر فیت انٹرنشنالءِ دیما ایر کنگ لوٹاں۔
”من شہ UN-WGEIDءَ دستبندی کناں کہ گوں بلوچ راھشوناں اے ردا گپ بہ کنت۔ دگہ مردمانی کشا چیرا داتگیں نام بیوکیں ترانا ھوار کنگ بہ بی اَنت:
بلوچ نلسن منڈیلا ۔بلوچستان نشنل پارٹیءِ صدر سردار اختر مینگل، فخر بلوچستان ۔نشنل پارٹیءِ صدر داکٹر عبدالمالک بلوچ، نشنل پارٹیءِ چیردستیں صدر حاصل بزنجو، کلاتءِ خان اعلا حضرت سلیمان داؤد احمدزئی، بلوچ رپبلکن پارٹیءِ صدر براھمدغ بگٹی، بلوچ لبریشن آرمیءِ سروک حیربیار مری، بلوچ لبریشن فرنٹءِ سروک داکٹر اللہ نظر بلوچ، بلوچ اتحاد ماسکوءِ صدر داکٹر جمعہ مری، مھران بلوچ و پیسری سنیٹر ثناءاللہ بلوچ۔
”اے باروا داکٹر اللہ نظر بلوچ و حیربیار مریءِ کؤپگاں گیشتر ذمواری دیگ بیت، پرچاکہ آوار جنوک و کشوک گوں آواں بندوک اَنت۔
”ما شہ شورشیاں دستبندی کنیں کہ بے سلاحیں مردماں بے راھبندا کشگ و دور دیگءِ خلافا جوڑ بیتگیں جنیوا کنوینشنءِ میانملکی قانونا ڈالچار مہ کن اَنت۔
”بلوچستانءِ امریکائی دوست گل پہ بلوچستانءِ مردماں وتی عاقبتءِ فیصلوا وت کنگءِ جھدا ھوار اِنت و یک ملکےءِ واھند بیگءِ (بلوچانی) لوٹا پلانگری زیریت۔ ما سرپد بییں کہ ٹروریسٹی کارکرد بلوچاں شہ وتی کامیابیں جھدا سر سِند اَنت۔“
گوں نیکیں واھگاں
احمر مستی خان
ٹلیفون: 3014331820، 3019570008، 3017449366
ایمیل: ahmar_scribe@yahoo.com
دلگوش: داتگیں کاگد انگریزی زبانا مارا ایمیل کنگ بیتگ۔ ایشی بلوچی حال ٹیما رجانک کتگ۔
هیچ نظری موجود نیست:
ارسال یک نظر
وتی کلوا چێرا نبیس إت