بلوچ رپبلکن پارٹیءِ گوانکو شیرمحمد بگٹیءَ جار پرّینت کہ پارٹیءِ صدر نواب براھمدغ بگٹیءَ پیسری مرکزی کمیٹی پرؤشتگ و پہ گچینکاری کنایینگا یک 11 باسکی کمیٹیے ٹھینتگ۔ نوکیں کمیٹیءِ سروکی نواب براھمدغ بگٹیءِ دستا اِنت و ایشی سئے ماھانی توکا گچینکاری کنایینگءِ ذموار اِنت۔
شیرمحمد بگٹیءَ گوں آنلاین وتی گپاں دیمترا گشتگ کہ ریاض بادینی، رفیق کھوسہ، الطاف احمدزئی اڈوکیٹ و جییند قمبرانی شہ پارٹیا در کنگ بیتگ اَنت۔ درکتگیں مردماں پارٹی ڈسپلن پادمال کتگ و مشکلیں وھداں پارٹیءِ پالیسی و راھشون اش بے بنی کچہ چِتگ اَنت۔ دگہ دو باسکاں وتی دستگٹیانی سببا پارٹی یلہ داتگ۔ ایش نوشکیءِ پسند خان ماندائی و آصف براھمدغ اَنت۔
ماں نوشکی نوکیں کمیٹیے گچیں کنگ بیتگ۔ ایشانی نام و ذموارای اے ڈولا اَنت: میر احمد دمگی آرگنایزر، نذیر جمالدینی چیردستیں آرگنایزر، خلیل مینگل، میر فیض بادینی و داوود بلوچ آرگنایزنگ کمیٹیءِ باسک اَنت۔
نواب براھمدغ بگٹیءِ سروکیا گچین بیتگیں مرکزی کمیٹیءِ باسکانی لڑ چوش اِنت: داکٹر بشیر عظیم چیردستیں آرگنایزر، شیر محمد بگٹی گوانکو، انور عادل اڈوکیٹ، حسین اشرف، سنگت ثناءُاللہ، لالا ارشد، وھاب بگٹی، عثمان ناٹوری، شمع بگٹی و سمیر بگٹی باسک اَنت۔ روچتاک توار
هیچ نظری موجود نیست:
ارسال یک نظر
وتی کلوا چێرا نبیس إت