مغربی بلوچستانءِ شھر نیکشھرءَ شہ یک لوگےءَ 30 میلیون تمنءِ مال دوزی کنوکیں دو مردم دستگیر کنگ و دوزتگیں مال پچگرگ بوت اَنت۔
فارس نیوزءِ ردا محمد الف نامیں مردمےءَ پولیسءِ گورا شکایت برتگ کہ آئیءِ لوگ دوزاں پرؤشتگ و شہ اودا 30 میلین تمنءِ طلا و نقد دوزتگ۔ ایشیءِ رندگیریا پولیسا دو مردم، رسول ۔ب و صلاح ۔چ دستگیر کتگ اَنت۔
دویں دستگیراں پٹاسکاریا رند منّتگ کہ آ شہ بانءِ دریگا لوگا پُترتگ اَنت و دوزی اش کتگ۔ و دوزرگیں مال اش یک جاگھےءَ کل کتگ اَنت۔ پولیسا جاگہ در رُپتگ و سرجمیں مال در کتگ اَنت۔
دوزتگیں مالانی نیاما 60 مثقال طلا، 9 بنکی چیک، یک موبایل ٹلیفونے و نقدیں زر ھوار بیتگ اَنت۔ فارس نیوز
هیچ نظری موجود نیست:
ارسال یک نظر
وتی کلوا چێرا نبیس إت