 |
| امام علی اصغر |
سرباز شھرستانءَ شیعوانی مردمی حساب شہ آرتءِ تھا واد کچّا انگت کمتر اِنت۔ اے دمگا صداں بلوچ امام نندوک اَنت و ھر روچ اسلامءِ ستا و تبلیغءَ نُک اش کپتگ، بلہ سرکاری حالرساں ارناءِ حالکار بلوچ ملایانی گپاں نہ اشکنیت۔ ایشیءِ بدلا 10 دانگ شیعوانی امامءِ بیان ئی مغربی بلوچستانءِ گچینی حالءِ حسابا مرچی شنگ کتگ۔
ارناءِ ردا حجت الاسلام علی اصغر کمالی پورءَ گشتگ ”ھندوستانءِ مھاتما گاندیءَ امام حسینءِ راہ گپت و وتی پادمالیں قوم ئی شہ زوراکیں انگریزاں ازاد کت۔“ بزان 1400 سالءِ اسلامی دپترا ایشیا چشیں مسلمانے دستان نہ کپتگ کہ آئی امام حسینءِ راھا شتگ و وتی پادمالیں راج ئی آزاد کتگ۔ پمشیا کافریں گاندیءِ مثال ئی داتگ۔
البت، حجت الاسلام علی اصغرءَ ایرانءِ اسلامی رواجءِ بنھشت ایر کنوک ڈالچار نہ کتگ و آییا ستا دیاں گشتگ ئی ”امام (رہ)ءِ سروکیا آتکگیں انقلابءِ کِشک شہ کربلاءِ خونییں پڑا گوَستگ۔ مئے انقلابا آزادی لوٹوک شہ وابا پاد کُت اَنت و مرچی گندگایں کہ دنیاءِ گیشتر ملکانی پادمالیں مردم ظالمانی دیما اوشتاتگ اَنت۔“
هیچ نظری موجود نیست:
ارسال یک نظر
وتی کلوا چێرا نبیس إت