امریکاءِ سنیٹراں شہ چاگردی نٹ ورک ٹویٹرءَ لوٹ کتگ کہ طالبانی اکاونٹاں بند بہ کنت۔ پرچاکہ طالب ھمے راھا ماں افغانستان ناٹوءِ واکانی سرا حملواں دل اڈی دیگا اَنت۔
ملکءِ تھی ایمنی تکءِ سروک ‘جو لیبرمینءَ گشت کہ انٹرنٹءِ سرا کٹریں اسلامی لیکوانی تبلیغءِ دیما دارگءِ جھدءِ پڑا شہ ٹویٹرا اے لوٹ کنگ بیتگ۔
طالب وتی حملوانی حالاں و بیاناں یکّوی ٹویٹر اکاونٹا شنگ کنگا اَنت۔ طالبانی دو ٹویٹر اکاونٹاں سرجمیا 10300 رندگیری کنوک ھست۔
ٹویٹرءَ گشتگ کہ پہ اے اکاونٹانی بند کنگا شہ امریکایی واکاں ھچ دستبندی نہ رستگ۔ ٹایمز آف انڈیا
دومی نیمگا طالبانءِ سفارتے ماں قطر پاچ کنگ بیتگ۔ ایشیءِ مقصد طالب و امریکاییانی نیاما گندنندا آسودگتر کنگ اِنت۔
امریکا و جرمنی واھوک اَنت کہ گندنندءِ راھا افغانستانءِ جیڑہءِ ایمنی حلے درگپْت بہ کن اَنت۔
اولا افغانستانءِ صدر کرزئیءَ اے کارءِ مخالفت کتگ، بلہ رندترا بیان ئی داتگ اگر امریکاءِ واھگ ھمیش اِنت، گڈا پرواہ نیست۔ نیویارک ٹایمز
هیچ نظری موجود نیست:
ارسال یک نظر
وتی کلوا چێرا نبیس إت