 |
| تونسہ شریفءَ برجم داشتگیں دیوانءِ ندارگے اِنت۔ توار فوٹو |
نشنل پارٹیءِ سروک داکٹر عبدالمالک بلوچءَ ماں تونسہ شریف ‘بلوچ توار‘ سرحالا برجم داشتگیں مچّیےءِ تھا گشت کہ شہ بلوچستانءَ سستگ و پنجابءَ ھوار کتگیں بلوچ ھندانی جاور بلوچستانءِ ڈولا زبھر و پدمنتگ اَنت۔
”زورگِر و زور وَران پہ وتی سیتاں بلوچ قوم بھر کتگ، و بلوچ ھند اش زبھریءِ سانکلاں مانگیشینتگ اَنت۔ ھنی وھد اِنت کہ بلوچ قوم تپاک بہ بیت دانکہ وتا شہ پلپانچ کنوکاں بہ رکّینیت و وتی سرڈگارا پھاز اِت بہ کنت“ داکٹر مالک بلوچءَ سرکچ دات۔
”ریاستا قومی نابرابری و یک قومےءِ بالادستیءِ سببا ھر جاگہ کہ بلوچ نندوک اَنت، زبھر و پدمنتگ اَنت۔ بلّی توریں شہ قدرتءِ داتگیں مالاں بلوچ سرڈگار سراگاہ اِنت“ داکٹر مالکءَ درّایینت۔
آییا دیمترا گشت ”توریں پنجابءَ شیر و بینگءِ جو بہ تچ اَنت، بلوچ قوما گوں ایشی کار نیست؛ البت، بلوچ قوم ھچ کسا وتی مڈیانی آوار جنَگا نہ ھلّیت۔“
داکٹر مالکءَ سرکچ دات ”اگر بلوچ یکجاہ و پَتْ نہ بیت اَنت، گڈا وتی قومی پجّارءَ داشت نہ کن اَنت۔ نے کہ ساحل و وسایلاں رکّینگءِ توان اش بیت۔ پمیشا پہ آیوکیں نسلءِ آسودگ کنگا، زبھری و زیرمنتگیءِ سانکلانی پرؤش دیگا ھوار دستیا لانْکارگءِ ضرورت اِنت۔“ بلوچ ٹوڈے
هیچ نظری موجود نیست:
ارسال یک نظر
وتی کلوا چێرا نبیس إت