نشنل پارٹیءِ سروکاں گشت کہ پاکستانءَ یک جمھوری و فلاحی ریاستے جوڑ کنگ و قوماں برابر حق دیگ تچکیں راہ اِنت۔ داں ھما وھدا کہ ملکءِ مزنیں سیاسی گل بلوچستانءِ جیڑوانی ٹھینگا گون مہ بی اَنت، جاور گِھتر نہ بی اَنت۔ داکٹر عبدالمالک بلوچ و میر حاصل بزنجوءَ اے گپ ماں کویٹہ برجم داشتگیں دیوانےءَ درشان کرت اَنت۔ دیوان پاکستانی سیاستکار نواز شریفءِ شرفا مچ کنگ بیتگ اَت۔
نشنل پارٹیءِ سروکاں دیمترا سرکچ دات کہ پیسری آمرانی روک کتگیں آسا بلوچستان یکّوی سُچگا اِنت۔ بلوچستانءِ ھر کنڈا مردم پہ زور آوار جنگ بیگا اَنت و لٹ کٹ کتگیں لاش انگت چست کنگ بیگا اَنت۔ ھنیگیں سرکار ایوکا زبان دیگ و دانک درشان کنگءِ حدّا جاوراں شرتر کنگءِ جھدا اِنت، بلہ کارکرد ئی ھچ نیست۔
کویٹہءَ نواز شریفءِ آیگ نشنل پارٹی ساڑایت و گشت کہ مسلم لیگ ۔نءِ ھواریا ملکءِ دگہ مزنیں سیاسی گلاں بلوچستانءِ جیڑوانی نیمگا دلگوش دیگی اِنت۔ اگر ملکءِ مزنیں سیاسی گلاں بلوچستانءَ روکیں آسءِ تؤسگا ھنّی جھد نہ کرت، بیتگیں نقصاناں پُر کنگءِ توان رندا ھچ کسءِ دستا بیت نہ کنت۔ اگر نواز شریف پہ بلوچستانءِ جاورانی شرتر کنگا جھد بہ کنت، نشنل پارٹی گوں آییا ھمدست بیگا ساڑی اِنت۔ ڈیلی بلوچ
هیچ نظری موجود نیست:
ارسال یک نظر
وتی کلوا چێرا نبیس إت