پاکستانی تحریک طالبانءَ کمک دیگءِ میارا مریکایی قاضیےءَ سئے پاکستانی جیل کرتگ اَنت۔ ایشانی نیاما 37 سالگیں عرفان الحقءَ 50 ماہ، 32 سالگیں قاسم علیءَ 40 ماہ و زاھد یوسف نامیں 43 سالگا 36 ماہ بندگ کنگءِ سزا دیگ بیتگ۔
سئیں کساں قاضیءِ دیما منّتگ کہ آواں نقلی پجّارانی کمکا تحریک طالبانءِ باسکے امریکاءَ آرگءِ جھد کرتگ۔ اے مردمانی کار ھمے بیتگ کہ دوزیءِ راھا مردم امریکاءَ سر بہ کن اَنت۔
دیناءَ تحریک طالبان پاکستان یک ٹرورسٹ گلے منّتگ۔ پمیشا ایشیءِ باسکاں کمک دیگ میانملکی جرمے اِنت۔ نام گپتگیں سئیں مردماں دسمبر ماھا وتی جرم وت منّتگ اَنت۔ جرماں منّگءِ سببا آوانی سزا انچوک کم بیتگ۔ سزاءِ سرجم بیگا رند ھر سئیں کس شہ امریکاءَ درنڈیہ کنگ بی اَنت۔ اِیوی نیوز
هیچ نظری موجود نیست:
ارسال یک نظر
وتی کلوا چێرا نبیس إت