برتانیا ې پیسری وزیر اعظم ٹونی بلېر ې جن ریکو ڈک جیڑوا بلوچستان ې وکالتا کنت

مشرقی بلوچستان ې سرکارا ریکو ڈک جیڑہ ې ردا نامداریں میانملکی وکیل پہ وکالتا کریهـ کۏتگ اَنت۔ ایشانی نیاما برتانیاې پیسری وزیر اعظم ٹونی بلیر ې جن شری بلېر ھم ھوار اِنت۔ تـٹایان کمپنیا نومبر 2011 بلوچستان ې خلافا میانمۏلکی تجارتی جیڑواں ٹھینوکیں بۏجنلا شکایت بۏرتگ کہ بلوچستان ې سرکارا گوں آېیا بستگیں قرادبند پادلپاش کۏتگ ۏ ماں ریکو ڈک طلاہ ۏ دگہ گرانبھاییں معدن ې کشگا کمپنیا نہ الّگا اِنت۔

میانملکی جیڑواں ٹھینوکیں بۏنجلا پہ بلوچستان ې وکالتا چه برتانیا کریہ کۏتگیں آدگہ وکیل آتھر میریوٹ، احمد بلال سوفی ۏ مھناز ملک اَنت۔ ایش معدن درکنگ ې میانمۏلکی جیڑوانی وکالت کنگ ې کوّاس اَنت۔ بلوچستان سرکارا گۏشتگ کہ اے وکیل بلوچستان ې خلافا بیتگیں شکایت ې پسّوا ساڑی کنگا گولاېیش اَنت۔ ڈیلی ٹایمز