یک کنڈائی ماتیا پھ وتی ھفت سالگین چکــّـا وتی ھیئک برف جاھا ایر کتگ۔ وھدی کھ چک مزن ببیت و بلؤٹیت اے ھیئکا پھ وتی چک مات کنگا کار بست کنت۔اے ھفت سالگیں چک یک ھنچیں نادراھیےء آماچ انت کھ آ چھ وت ھچبر چک مات بیت نھ کنت۔ چمشکا 'ملنی بویون' نامین 35 سالگیں جنیں آدما فیصلھ کتگ کھ پھ وتی چکا چھ ھنــّیگا ھیئکےء بندو بستا بکنت۔
اے جنیں آدمء گشگ انت کھ تنا وھدی کھ چک مزن ببیت آ پیر ترّیت و ھچ کت نھ کنت۔ چمشکا چھ ھنیگا اے گامی چست کتگ۔
آئی چک اگر ھیئکا بزیریت گڑا چھ اشی اڈ بیتگیں چک آئیء براتو یا گھارو بیت کنت۔ چمے سوبا بازیں مردم گشگا انت کھ اے ناروا انت۔ البت ملنی اے درگتا گشتگ "اکر منی چکا ھنچیں نادراھی ئے ببیتین ات کھ بدنء دگھ اعضائےء ضرورت ببینین ات، چؤکھ گٹــّگ، من داتگ ات و ھچ کسا ناروائیےگپ نھ جتگ ات۔ چمشکا ھیئکء دیگ ھم روا انت۔ پدا کئے زانت باریں چھ ھنـّيگا بیست سال رند چے روا و چے ناروا لیکگ بیت انت"۔
آئي گیش کتگ "چؤ ھم بیت کنت کھ چک اے ھیئکا بیھا مزیریت و بے چکـّيا یک الکاپین زندے بگوازینیت"۔
بی بی سی 2/7/07
هیچ نظری موجود نیست:
ارسال یک نظر
وتی کلوا چێرا نبیس إت