واجھ سمندر آسکانی چھ راڈیو بلوچیء نیمگا ماں تربت جاہ منندیں طارق مسعود انٹریو کتگ و اے انٹریو گپ من نبیستگ انت و چیرا پھ وانوگاں شنگ انت۔ اے انٹریو ء لھتے گال پھ نبیسگ آسودگتر کنگء سوبا ٹگلینگ بیتگ انت البت مطلب ھما ڈؤلا انت کھ بیان کنگ بیتگ انت۔
کؤلمیر
سمندر آسکانی: مئے عزیز و عزتمندیں گؤشداروکاں! ھنچؤکھ شما سرپد ات بلوچستانء بازیں دمگاں آسمانی آفتے ھؤر و طوفانےء صورتا بنا بیتگ۔ چریشیء سوبا روچدراتکی و روچ ایر نندی بلوچستانا بازیں تباھکاری بیتگ۔ بازین مردم بے گس و دوار بیتگ انت و لھتے کساں وتی عزیز ھم چھ دستا داتگ انت۔
اے تباھکاریء آماچ تنے وھدی پچیں آسمانء چیرا بے وراک و بے دوا درماں وتی زندا گؤازینگا انت۔ ھمے درگتا گیشتر حالانء گرگا ما گؤں واجھ مسعود کھ چھ تر بت تلفنء سرا انت گپ و تران کن انت۔
واجھ مسعود چھ راڈیوء نیمگآ شمارا سلام عرض کناں! شمئے باز مھربانی کھ شما وتی گرانبھائیں وھد مارا داتگ؛ شما مھربانی بکنء اؤدء ھنـّوگیں حالتاں مارا بگش ات!
طارق مسعود: علیک سلام واجھ! من ھنیں تربتء تؤکایاں، تربتء حالت سک خراب (نگیگ) انت۔ قدرتء اے گوات، ھؤر، ھار، چپت و چوپ کھ اتکگ انت، اشانء سوبا تو حساب بکن سرجمیں تربت اے وھدی آپء چیرا انت۔ ادء ھزارانء مردم اے وھدی بے یارو مددگار انت۔ چھ سرکارء نیمگا ھچ وڑیں مدد نھ رسگا انت۔
اے طوفانء شپا من چھ کیچ کؤرا دیم پھ ھمانگو شتاں و اؤدء حالت چارت انت، دیستاں اؤدا ھم سک تباھی بیتگ۔ چار یونین کونسل بزاں ناصر آباد، گودنزی، قلاتک و یک دگرے میرانی ڈمء آپء تانء زدا آتکگ انت و اشانء لؤگ و جاگھ تباہ بیتگ انت۔ اے چاریں یونین کونسل ھما انت کھ گشگ بیتگ میرانی ڈما چھ تاوانبار بار بنت و باید اشانء باغ و جاگھانء معاوضھ دیگ ببیت انت۔
تو گشت کنے کھ چل ھزار مردم چھ وتی لؤگاں محروم بیتگ انت۔ اے مھلوک دکانء سرا کپتگ انت و ھچ وڑیں
کمک و مدد اش نھ رسگا انت۔
سمندر: اے مردمانء گیشتریں ضرورت اے وھدی چی انت؟
طارق مسعود: قدرتی آفتانء آماچیں مردمانء بنی ضرورت ھما انت کھ آھاں پھ زندگ بیگا پکار انت۔ پھ زندگ بیگا آپ ضروری انت، زندگ بیگء واستا وراک ضروری انت؛ اے چیز اودء مردماں نھ رسگا انت۔ مردمانء گشگ ھمش انت کھ ما ادا آسمانء چیرا نشتگ انت، زگریں رؤچء سرا نشتگ انت؛ مارا نھ کسے پٹے آپ دنت، نھ کسے مارا چنڈے نانء جستا کنت!
چھ سرکارء نیمگا کھ ٹینٹ یا تنبوانء رسینگء بٹاک جنگ بیگا انت، بلے مردم گشگا انت کھ آھاں ھچ سر نھ بیگا انت۔
یک میتگے کھ کوشکلات گشگ بیت کھ آ بالکل شھرء تؤکا انت و یک دگرے گوگدان اے دوئیں ڈم و کیچکورء آپا تباہ کتگ انت۔ پھ اے میتگانء مردماں ھچ پشت نھ کپتگ۔ اے میتگانء مردمانء حالت سک نگیگ انت و مردمانء گشگ انت کھ اگر پھ اشان رسگا کمک سر نھ بیتگ گڑا وباء ھم کپیت انت۔ من وت کوشکلات شتگاں اودا بانانء بارء چیرا مرتگیں دلوتانء بد بو پھ اوشتگا ھم مردما نیلیت۔ پرے ڈونڈانء درگنگا ھم ھچ وڑیں انتظام نیست انت۔ مھلوکء گشگ انت کھ اے ڈونڈ درگنگ مھ بنت گڑا سک سلـّيں نادراھی کپت کنت۔
سمندر: جی واجھ نین باریں حکومتی امداد پھ کجا رستگ؟
طارق: مسعود: گھبودی تنظیم میتگاں مدد کنگا انت، بلے اشانء امداد کسانین انت کھ ضرورتاں پورہ نھ کنگا انت۔ بزاں آھانء تواں انچو نھ انت کھ سرکارء بیت کنت۔ اے تنظیماں وتی وتی کمپ جتگ انت و چندہ ھم کنگا انت کھ ضروری سامان بزیر انت۔
سمندر: واجھ سرکار راڈیو، ٹلوژن و حالتاکان وتی ھلی کاپٹرانء عکساں دیگا انت و گشگا انت کھ اے بلوچستانء مھلوکا کمک و مدد رسینگا انت، اشیء تؤکا چنچو راستی است انت؟
مسعود: راستے انت کھ ھلی کاپٹرانء ھیرّھارّ افسرانء نند و تران سک باز گندگ بیگا انت۔ ادا اسٹاک ھم آرتگ، بلے اے تنیگا بھر نھ بیگا انت۔ مھلوک حیران انت کھ انچو امداد پیداگ انت، اے تاوانباراں نھ رسگا انت، کجا روگا انت!؟
کوشکلاتء مھلوک گشگا انت کھ ھلی کاپٹراں اودا سامان دوردیگا وتا پیش داشتگ۔ پورھیں کوشکلات کھ اودا ھزاراں مردم تاوانبار بیتگ انت؛ مردمانء گشگ انت کھ ھلی کاپٹراں اودا چار تنبو دؤر داتگ و چیزے کارٹن کیک دؤر داتگ، آ ھم آپء تؤکا۔
کوشکلات یک ھنچیں جاگھے انت کھ اؤدا ھلی کاپٹرء ھچ ضرورت نھ انت، نیں اودا کسانیں گاڑی ھم شت کن انت۔
بزاں زمینی راہ ھست انت بلے سرکاری مردم اے راھا نھ روگا انت۔
سمندر: باریں ان جی اوز و دگھ انٹر نشنل ادارہ اؤدا آتکگ انت؟
طارق مسعود: ھو! بالکل سر بیتگ انت۔ رڈ کراس سر بیتگ، یونسف والا آتکگ انت۔ اے گؤں ھندی ان جی اوز ھورکاری کنگا انت۔
زیگ گؤں ڈسٹرکٹ کونسل اشاں میٹنگ بیتگ تا یک ھؤرین گامے چست بکن انت۔ ڈسٹرکٹ ناظم آھان گشگا انت کھ اے ان جی اوز بس یک میتگےء تؤکا کار بکن انت آدگھ میتگاں بل انت۔ مھلوک ھمے سرپد بیگا انت کھ سرکار وت کار نھ کنت و ان جی اوز ھم چھ کار کنگا دارگ بیگا انت۔
سمندر: منی دگھ جستے اشنت کھ باریں مقامی سرکاری مردماں چے گام چست کتگ؟ بزاں ھما کھ ھندی ذمھ دار انت!
طارق مسعود: یونیں کونسل کھ آھانء میتگ تاوانبار بیتگ انت آ سک باز کار کنگا انت۔ یکے چھ ھمشاں کھ قلاتک انت کھ اشیء ناظم زبیر بلوچ انت آ باز تچ تاچ انت۔ آھی وت یک تنبوئے جتگ و وتی مردمانء ھؤرکاریا بازین تاوانباراں کمک کنگا انت۔
پشتکپتگیں آدگھ یونیں کونسلانء ناظم انت وتی وسا کار کنگء جھدا انت بلے ھمے گشگا انت آھانء وسیلھ انچو نھ انت کھ مھلوکء دردا بور انت۔ اودء مھلوکء حالت سک نگیگ انت۔ کسے اؤدا بروت گڑا گؤنڈو کاینت و جست کننت کھ ترا آپ یا بسکوٹے گؤن انت کھ آھاں بدہ اے۔ اے یونین کونسل پھ وتی مھلوکء کمکا گؤں ان جی اوز ھؤرکاری کنگا انت۔ البت اے ان جی اوز نزورین انت و مھلوکء مددا نھ رسگا انت۔ ھمے سوبا ضرورت انت کھ اقوام متحدہ و دگھ انٹر نشنل بنجاہ اشانء کمکا وتا برسین انت۔
سمندر: شمارا اندازہ است انت کھ چنچو مردم بیران کا بے لؤگ بیتگ انت؟
طارق مسعود: سرکاری مردمانء گشگ انت کھ دسٹرکٹ گیچ اندازہ دوصد پنچاہ ھزار مردم بے لؤگ بیتگ انت و نا المّيں اندازہ ھمش انت کھ چھ بیست کسا گیش بیران بیتگ۔ دگھ بازیں کسے گار انت۔
سمندر: درملکاں جاہ منندیں بلوچاں چھ شما چے امید کن ات؟ آ چے بکن انت؟
طارق مسعود: مردم گشنت چھ ملکء سرکارا مارا ھچ امید نیست انت۔ درملکی مھلوک دنیاء میڈیاھا سھیگ کت کنت تا آھانء مددا دنیا برسیت۔
سرکار وت منگا انت کھ بلوچستانء ھنوگین تباھی کشمیرء نیمگا آتکگیں زمین چنڈء تباھیا جھ ھم گیشتر بیتگ۔ پدا ھم انچو روچ رند ھچ کمک نھ کتگ۔ بس یک ھلی کاپٹرے کھ آ ھم خالیگ ترّگا انت۔ پمشکا من سرپد باں کھ انٹرنشنل فنڈے بئيت انت گڑا بلکیں اے دمگ پدا وتی جاھا بئیت وبؤشتیت۔
سمندر: مالی مددء درگتا بلوچ چے بکن انت؟
طارق مسعود: بلوچ مھلوک چھ وتی نیمگا چؤشین مزنیں کارے کت نھ کنت پچے کھ سی لک مردم چھ اے سیلاب تاوان بار بیتگ ۔ مزنتریں کارے کھ درملکی بلوچ کت کن آ وراک و آپء ضرورتانء پورو کنگا، تنبوء ضرورت انت پرے واستا کمک بکن انت۔ دگھ اگر بوت کنت کڑا یک ھنچیں زمینے درگيجگ ببیت کھ پلاٹنگ کنگ و بے لؤگاں جاہ دیگ ببیت تا آ اودا بنند انت۔ اے ھنداں کھ آپ پترتگ اے نیں ناقابل نندگ انت۔
سمندر: میرانی ڈم باروا بازیں ھبر تالان بیتگ و چدا پیسر ھم اشیء سوبا بازیں تاوانباری بیتگ۔ گشنت کھ اے ڈمء مشکل گیشتر ٹکنکی انت۔ ھنچیں راھے نھ بیتگ کھ اے ڈمء دروازگ پچ کنگ ببنت تا گیشیں آپا درکپگء راہ ببیت؟
طارق مسعود: واجھ تئی گپ راست انت کھ میرانی ڈمء تؤکا ٹکنیکل خرابی ھست انت۔ اے دروازگء گپ کھ تو جت اے اولی ڈم انت کھ 'ڈکیانوسی' (ربودگیں) طریقھا اڈ کنگ بیتگ۔ اشیا ھچ پیمیں گیٹ پر نیست انت کھ بٹن جنگ ببیت پھ پچ کنگا۔ بس دو بلاھیں،ٹرّيں کؤرانء دپ بستگ و ھچ آپء دراھگء راہ نیست انت۔ اے تباھکاریء مزنتریں سوب ھمش انت کھ آپا درکپگء ھچ وڑیں راہ نھ بیتگ۔
دگھ گپے اشنت کھ ڈم ء ھدّا کھ سروے بیتگ و منــّگ بیتگ کھ اے ھند چھ ڈمء سوبا تاوانبار بنت و سرکارا تاوان پر کنگء جار ھم جتگ بلے باز وھدے پرگؤزگا پد ھم اے مھلوکء تاوان پر کنگ نھ بیتگ انت۔ مھلوکا سرکاری بنجاھاں ظاھری پیشداشتگ، آہ وپریات کتگ۔ تھروزی شدکشی کتگ، بلے سرکارا اشاں ھچ کمک نھ کتگ۔
بازیں مردماں سیلابء ترس بیتگ بلے پدا چارتگ اش کھ اگر چھ وتی لؤگاں در بکپ انت کجا برونت! نھ دگھ جاھے نھ امیدے!
اے ردا بچارے اے تباھیء سوب میرانی ڈم انت و چھ سرکارء نیمگا مھلوکء تاوانان پرنھ کنگ انت۔
سمندر: من ھنچؤ اشکت کھ شمئے صوبھء وزیر احسان شاہ گشتگ کھ آ مردمانء تاوانان پر کنت و یک شریں جاھے سراش کنت۔ شما اے باروا چے گشت؟
طارق مسعود: من گشگ لؤٹاں کھ ادا یک جاھے استنت نامی نودز انت اؤدء مردماں تا یک ماھے شد کشی کتگ۔ اشانء لؤٹ چھ سرکارا ھمے بیتگ انت کھ تئے سرکار مئے زمیناں ڈمء ندریگ کنگا اے۔ مئے باغاں ڈمء ندريگ کنگا اے۔ تو اشانء قیمت بستگ و گشگ ات کھ تو اشاں مارا دی اے۔ بلے تو چؤ نھ کنگا اے۔ چھ ھؤرو ھارا مارا تاوانے برسیت آھیء ذمھ دار تئے سرکار بئے۔ اشانء لؤٹ نیمگا سرکارا ھچ دلگؤش گؤر نھ کت۔ گڈسرا مھلوک جنگا چست بیت انت و ڈسٹرکٹ کونسلء دیوانء تھا پاداش ماندات۔ نیں اے مردم گشگ بیتگ انت کھ آھانء تاوان پر کنگ بنت۔ انگت سرکارء اے قول پیلو کنگ نھ بیتگ۔
سمندر: چؤکھ جاہ کئیت اے بلوچستانء دیمرئیء سرکاری کاران سوبا مھلوک چؤ تاوان بار بیگا انت! تو اے بابتا چے گشے؟
طارق مسعود: من گؤں شما تپاک کناں۔ چدا پیسر 1933 یا 34 برٹش سرکارا ھم ھمے جاھا ڈمے اڈ کنگء ارادہ کت۔ پدا حساب جت کھ ادا اگر ڈم بندگ ببیت گڑا بازیں میتگ آپا چير ترّ انت چمشکا آھاں اے گامگيج نھ زرت۔ رندترا پاکستان چھ روس دستبندی کنت کھ ادا ڈم اڈ بکنت۔ روسیاں ھمے گشت کھ ادا بستگیں ڈم پھ مردماں موت ثابت بیت انت۔
ھنــّي کھ جنرل صاحبء دؤر آتکگ اشی نھ پشت چارتگ نھ دیم۔ الکاپیں سروے نھ کتگ۔ ھنچؤ سروت تیار کتگ۔ نیں پدرا انت ھما ڈؤل روس و برٹش راج گشتگ اے ڈم پھ مھلوک تباھی انت۔ اے ھندء باریں چنچو سالانء یک پورئیں تاریخے ھمے میرانی ڈمء ھرجاں شتگ۔
سمندر: واجھ تئی باز باز مھربانی۔ من امید کناں کھ مئے مھلوک دگھ رندے اے ڈولیں تباھکاریء آماچ مبیت و بلوچ دست ماں دست بکن انت اے مھلوکا چھ بزّگيا در بکن انت۔ تئی داتگیں وھدء مننت۔
طارق مسعود: مھربانی واجھ۔
کؤلمیر
سمندر آسکانی: مئے عزیز و عزتمندیں گؤشداروکاں! ھنچؤکھ شما سرپد ات بلوچستانء بازیں دمگاں آسمانی آفتے ھؤر و طوفانےء صورتا بنا بیتگ۔ چریشیء سوبا روچدراتکی و روچ ایر نندی بلوچستانا بازیں تباھکاری بیتگ۔ بازین مردم بے گس و دوار بیتگ انت و لھتے کساں وتی عزیز ھم چھ دستا داتگ انت۔
اے تباھکاریء آماچ تنے وھدی پچیں آسمانء چیرا بے وراک و بے دوا درماں وتی زندا گؤازینگا انت۔ ھمے درگتا گیشتر حالانء گرگا ما گؤں واجھ مسعود کھ چھ تر بت تلفنء سرا انت گپ و تران کن انت۔
واجھ مسعود چھ راڈیوء نیمگآ شمارا سلام عرض کناں! شمئے باز مھربانی کھ شما وتی گرانبھائیں وھد مارا داتگ؛ شما مھربانی بکنء اؤدء ھنـّوگیں حالتاں مارا بگش ات!
طارق مسعود: علیک سلام واجھ! من ھنیں تربتء تؤکایاں، تربتء حالت سک خراب (نگیگ) انت۔ قدرتء اے گوات، ھؤر، ھار، چپت و چوپ کھ اتکگ انت، اشانء سوبا تو حساب بکن سرجمیں تربت اے وھدی آپء چیرا انت۔ ادء ھزارانء مردم اے وھدی بے یارو مددگار انت۔ چھ سرکارء نیمگا ھچ وڑیں مدد نھ رسگا انت۔
اے طوفانء شپا من چھ کیچ کؤرا دیم پھ ھمانگو شتاں و اؤدء حالت چارت انت، دیستاں اؤدا ھم سک تباھی بیتگ۔ چار یونین کونسل بزاں ناصر آباد، گودنزی، قلاتک و یک دگرے میرانی ڈمء آپء تانء زدا آتکگ انت و اشانء لؤگ و جاگھ تباہ بیتگ انت۔ اے چاریں یونین کونسل ھما انت کھ گشگ بیتگ میرانی ڈما چھ تاوانبار بار بنت و باید اشانء باغ و جاگھانء معاوضھ دیگ ببیت انت۔
تو گشت کنے کھ چل ھزار مردم چھ وتی لؤگاں محروم بیتگ انت۔ اے مھلوک دکانء سرا کپتگ انت و ھچ وڑیں
کمک و مدد اش نھ رسگا انت۔سمندر: اے مردمانء گیشتریں ضرورت اے وھدی چی انت؟
طارق مسعود: قدرتی آفتانء آماچیں مردمانء بنی ضرورت ھما انت کھ آھاں پھ زندگ بیگا پکار انت۔ پھ زندگ بیگا آپ ضروری انت، زندگ بیگء واستا وراک ضروری انت؛ اے چیز اودء مردماں نھ رسگا انت۔ مردمانء گشگ ھمش انت کھ ما ادا آسمانء چیرا نشتگ انت، زگریں رؤچء سرا نشتگ انت؛ مارا نھ کسے پٹے آپ دنت، نھ کسے مارا چنڈے نانء جستا کنت!
چھ سرکارء نیمگا کھ ٹینٹ یا تنبوانء رسینگء بٹاک جنگ بیگا انت، بلے مردم گشگا انت کھ آھاں ھچ سر نھ بیگا انت۔
یک میتگے کھ کوشکلات گشگ بیت کھ آ بالکل شھرء تؤکا انت و یک دگرے گوگدان اے دوئیں ڈم و کیچکورء آپا تباہ کتگ انت۔ پھ اے میتگانء مردماں ھچ پشت نھ کپتگ۔ اے میتگانء مردمانء حالت سک نگیگ انت و مردمانء گشگ انت کھ اگر پھ اشان رسگا کمک سر نھ بیتگ گڑا وباء ھم کپیت انت۔ من وت کوشکلات شتگاں اودا بانانء بارء چیرا مرتگیں دلوتانء بد بو پھ اوشتگا ھم مردما نیلیت۔ پرے ڈونڈانء درگنگا ھم ھچ وڑیں انتظام نیست انت۔ مھلوکء گشگ انت کھ اے ڈونڈ درگنگ مھ بنت گڑا سک سلـّيں نادراھی کپت کنت۔
سمندر: جی واجھ نین باریں حکومتی امداد پھ کجا رستگ؟طارق: مسعود: گھبودی تنظیم میتگاں مدد کنگا انت، بلے اشانء امداد کسانین انت کھ ضرورتاں پورہ نھ کنگا انت۔ بزاں آھانء تواں انچو نھ انت کھ سرکارء بیت کنت۔ اے تنظیماں وتی وتی کمپ جتگ انت و چندہ ھم کنگا انت کھ ضروری سامان بزیر انت۔
سمندر: واجھ سرکار راڈیو، ٹلوژن و حالتاکان وتی ھلی کاپٹرانء عکساں دیگا انت و گشگا انت کھ اے بلوچستانء مھلوکا کمک و مدد رسینگا انت، اشیء تؤکا چنچو راستی است انت؟
مسعود: راستے انت کھ ھلی کاپٹرانء ھیرّھارّ افسرانء نند و تران سک باز گندگ بیگا انت۔ ادا اسٹاک ھم آرتگ، بلے اے تنیگا بھر نھ بیگا انت۔ مھلوک حیران انت کھ انچو امداد پیداگ انت، اے تاوانباراں نھ رسگا انت، کجا روگا انت!؟
کوشکلاتء مھلوک گشگا انت کھ ھلی کاپٹراں اودا سامان دوردیگا وتا پیش داشتگ۔ پورھیں کوشکلات کھ اودا ھزاراں مردم تاوانبار بیتگ انت؛ مردمانء گشگ انت کھ ھلی کاپٹراں اودا چار تنبو دؤر داتگ و چیزے کارٹن کیک دؤر داتگ، آ ھم آپء تؤکا۔
کوشکلات یک ھنچیں جاگھے انت کھ اؤدا ھلی کاپٹرء ھچ ضرورت نھ انت، نیں اودا کسانیں گاڑی ھم شت کن انت۔
بزاں زمینی راہ ھست انت بلے سرکاری مردم اے راھا نھ روگا انت۔سمندر: باریں ان جی اوز و دگھ انٹر نشنل ادارہ اؤدا آتکگ انت؟
طارق مسعود: ھو! بالکل سر بیتگ انت۔ رڈ کراس سر بیتگ، یونسف والا آتکگ انت۔ اے گؤں ھندی ان جی اوز ھورکاری کنگا انت۔
زیگ گؤں ڈسٹرکٹ کونسل اشاں میٹنگ بیتگ تا یک ھؤرین گامے چست بکن انت۔ ڈسٹرکٹ ناظم آھان گشگا انت کھ اے ان جی اوز بس یک میتگےء تؤکا کار بکن انت آدگھ میتگاں بل انت۔ مھلوک ھمے سرپد بیگا انت کھ سرکار وت کار نھ کنت و ان جی اوز ھم چھ کار کنگا دارگ بیگا انت۔
سمندر: منی دگھ جستے اشنت کھ باریں مقامی سرکاری مردماں چے گام چست کتگ؟ بزاں ھما کھ ھندی ذمھ دار انت!
طارق مسعود: یونیں کونسل کھ آھانء میتگ تاوانبار بیتگ انت آ سک باز کار کنگا انت۔ یکے چھ ھمشاں کھ قلاتک انت کھ اشیء ناظم زبیر بلوچ انت آ باز تچ تاچ انت۔ آھی وت یک تنبوئے جتگ و وتی مردمانء ھؤرکاریا بازین تاوانباراں کمک کنگا انت۔
پشتکپتگیں آدگھ یونیں کونسلانء ناظم انت وتی وسا کار کنگء جھدا انت بلے ھمے گشگا انت آھانء وسیلھ انچو نھ انت کھ مھلوکء دردا بور انت۔ اودء مھلوکء حالت سک نگیگ انت۔ کسے اؤدا بروت گڑا گؤنڈو کاینت و جست کننت کھ ترا آپ یا بسکوٹے گؤن انت کھ آھاں بدہ اے۔ اے یونین کونسل پھ وتی مھلوکء کمکا گؤں ان جی اوز ھؤرکاری کنگا انت۔ البت اے ان جی اوز نزورین انت و مھلوکء مددا نھ رسگا انت۔ ھمے سوبا ضرورت انت کھ اقوام متحدہ و دگھ انٹر نشنل بنجاہ اشانء کمکا وتا برسین انت۔
سمندر: شمارا اندازہ است انت کھ چنچو مردم بیران کا بے لؤگ بیتگ انت؟طارق مسعود: سرکاری مردمانء گشگ انت کھ دسٹرکٹ گیچ اندازہ دوصد پنچاہ ھزار مردم بے لؤگ بیتگ انت و نا المّيں اندازہ ھمش انت کھ چھ بیست کسا گیش بیران بیتگ۔ دگھ بازیں کسے گار انت۔
سمندر: درملکاں جاہ منندیں بلوچاں چھ شما چے امید کن ات؟ آ چے بکن انت؟
طارق مسعود: مردم گشنت چھ ملکء سرکارا مارا ھچ امید نیست انت۔ درملکی مھلوک دنیاء میڈیاھا سھیگ کت کنت تا آھانء مددا دنیا برسیت۔
سرکار وت منگا انت کھ بلوچستانء ھنوگین تباھی کشمیرء نیمگا آتکگیں زمین چنڈء تباھیا جھ ھم گیشتر بیتگ۔ پدا ھم انچو روچ رند ھچ کمک نھ کتگ۔ بس یک ھلی کاپٹرے کھ آ ھم خالیگ ترّگا انت۔ پمشکا من سرپد باں کھ انٹرنشنل فنڈے بئيت انت گڑا بلکیں اے دمگ پدا وتی جاھا بئیت وبؤشتیت۔
سمندر: مالی مددء درگتا بلوچ چے بکن انت؟
طارق مسعود: بلوچ مھلوک چھ وتی نیمگا چؤشین مزنیں کارے کت نھ کنت پچے کھ سی لک مردم چھ اے سیلاب تاوان بار بیتگ ۔ مزنتریں کارے کھ درملکی بلوچ کت کن آ وراک و آپء ضرورتانء پورو کنگا، تنبوء ضرورت انت پرے واستا کمک بکن انت۔ دگھ اگر بوت کنت کڑا یک ھنچیں زمینے درگيجگ ببیت کھ پلاٹنگ کنگ و بے لؤگاں جاہ دیگ ببیت تا آ اودا بنند انت۔ اے ھنداں کھ آپ پترتگ اے نیں ناقابل نندگ انت۔
سمندر: میرانی ڈم باروا بازیں ھبر تالان بیتگ و چدا پیسر ھم اشیء سوبا بازیں تاوانباری بیتگ۔ گشنت کھ اے ڈمء مشکل گیشتر ٹکنکی انت۔ ھنچیں راھے نھ بیتگ کھ اے ڈمء دروازگ پچ کنگ ببنت تا گیشیں آپا درکپگء راہ ببیت؟
طارق مسعود: واجھ تئی گپ راست انت کھ میرانی ڈمء تؤکا ٹکنیکل خرابی ھست انت۔ اے دروازگء گپ کھ تو جت اے اولی ڈم انت کھ 'ڈکیانوسی' (ربودگیں) طریقھا اڈ کنگ بیتگ۔ اشیا ھچ پیمیں گیٹ پر نیست انت کھ بٹن جنگ ببیت پھ پچ کنگا۔ بس دو بلاھیں،ٹرّيں کؤرانء دپ بستگ و ھچ آپء دراھگء راہ نیست انت۔ اے تباھکاریء مزنتریں سوب ھمش انت کھ آپا درکپگء ھچ وڑیں راہ نھ بیتگ۔
دگھ گپے اشنت کھ ڈم ء ھدّا کھ سروے بیتگ و منــّگ بیتگ کھ اے ھند چھ ڈمء سوبا تاوانبار بنت و سرکارا تاوان پر کنگء جار ھم جتگ بلے باز وھدے پرگؤزگا پد ھم اے مھلوکء تاوان پر کنگ نھ بیتگ انت۔ مھلوکا سرکاری بنجاھاں ظاھری پیشداشتگ، آہ وپریات کتگ۔ تھروزی شدکشی کتگ، بلے سرکارا اشاں ھچ کمک نھ کتگ۔
بازیں مردماں سیلابء ترس بیتگ بلے پدا چارتگ اش کھ اگر چھ وتی لؤگاں در بکپ انت کجا برونت! نھ دگھ جاھے نھ امیدے!
اے ردا بچارے اے تباھیء سوب میرانی ڈم انت و چھ سرکارء نیمگا مھلوکء تاوانان پرنھ کنگ انت۔
سمندر: من ھنچؤ اشکت کھ شمئے صوبھء وزیر احسان شاہ گشتگ کھ آ مردمانء تاوانان پر کنت و یک شریں جاھے سراش کنت۔ شما اے باروا چے گشت؟
طارق مسعود: من گشگ لؤٹاں کھ ادا یک جاھے استنت نامی نودز انت اؤدء مردماں تا یک ماھے شد کشی کتگ۔ اشانء لؤٹ چھ سرکارا ھمے بیتگ انت کھ تئے سرکار مئے زمیناں ڈمء ندریگ کنگا اے۔ مئے باغاں ڈمء ندريگ کنگا اے۔ تو اشانء قیمت بستگ و گشگ ات کھ تو اشاں مارا دی اے۔ بلے تو چؤ نھ کنگا اے۔ چھ ھؤرو ھارا مارا تاوانے برسیت آھیء ذمھ دار تئے سرکار بئے۔ اشانء لؤٹ نیمگا سرکارا ھچ دلگؤش گؤر نھ کت۔ گڈسرا مھلوک جنگا چست بیت انت و ڈسٹرکٹ کونسلء دیوانء تھا پاداش ماندات۔ نیں اے مردم گشگ بیتگ انت کھ آھانء تاوان پر کنگ بنت۔ انگت سرکارء اے قول پیلو کنگ نھ بیتگ۔
سمندر: چؤکھ جاہ کئیت اے بلوچستانء دیمرئیء سرکاری کاران سوبا مھلوک چؤ تاوان بار بیگا انت! تو اے بابتا چے گشے؟
طارق مسعود: من گؤں شما تپاک کناں۔ چدا پیسر 1933 یا 34 برٹش سرکارا ھم ھمے جاھا ڈمے اڈ کنگء ارادہ کت۔ پدا حساب جت کھ ادا اگر ڈم بندگ ببیت گڑا بازیں میتگ آپا چير ترّ انت چمشکا آھاں اے گامگيج نھ زرت۔ رندترا پاکستان چھ روس دستبندی کنت کھ ادا ڈم اڈ بکنت۔ روسیاں ھمے گشت کھ ادا بستگیں ڈم پھ مردماں موت ثابت بیت انت۔
ھنــّي کھ جنرل صاحبء دؤر آتکگ اشی نھ پشت چارتگ نھ دیم۔ الکاپیں سروے نھ کتگ۔ ھنچؤ سروت تیار کتگ۔ نیں پدرا انت ھما ڈؤل روس و برٹش راج گشتگ اے ڈم پھ مھلوک تباھی انت۔ اے ھندء باریں چنچو سالانء یک پورئیں تاریخے ھمے میرانی ڈمء ھرجاں شتگ۔
سمندر: واجھ تئی باز باز مھربانی۔ من امید کناں کھ مئے مھلوک دگھ رندے اے ڈولیں تباھکاریء آماچ مبیت و بلوچ دست ماں دست بکن انت اے مھلوکا چھ بزّگيا در بکن انت۔ تئی داتگیں وھدء مننت۔
طارق مسعود: مھربانی واجھ۔
هیچ نظری موجود نیست:
ارسال یک نظر
وتی کلوا چێرا نبیس إت