پاکستانء بندیگین لندنء سرا بالیگرابان تراکینگء پندل ساز آزاد

پاکستانء خاصین کورٹےء قاضیءَ سالے پیئسر دستگیر بیتگین راشد رؤف آزاد کت۔ راشد رؤف یک ٹولیےء سروک بیتگ کہ اشان لندنء سرا بال کنگء وھدا، بالیگرابانء تھا بمب تراکینگء پندل سازتگ۔ آ گوستگین سالءَ چہ پاکستانءَ دیم پہ لندن آيگء وھدا دستگیر کنگ بیتگت۔ دستگیر کنگ وھدا پاکستان پولیسءَ چہ اشیء گورا ھائیڈروجن پرآکسائڈء 21 بوتل و سفری کاگد درگپتگ تنت۔ انتخاب، 16 نومبر، 07

ترانگ بہ گپت کہ راشد رؤف اصلا پاکستانی انت، آ برطانیاءَ رستگ مزن بیتگ و اے پندلء پاشک بیگا چہ رند لھتے چہ اشیء سنگتان برطانیہء تھا دستگیر کنگ بیتگ تنت۔ برطانیا ھما تانی راشد رؤفءَ لؤٹگا بیتگ، بلے پاکستان سرکارا اشیء بدلا مان برطانیا جاہ منندین شش بلوچ سیاسی جھدکار لؤٹتگ تنت۔ بازین بلوچ پرے حبرا پریشان بیتگ تنت کہ آھانء دوستداشتگین جھدکار پاکستانء دست ءَ دیگ بنت۔ بلے اے سودا دوئین ملکانء نیاما نہ بیتگ۔

آدگہ دستگیر کتگینانء ڈؤلا پاکستانءَ راشد رؤف چمشکا مغربی ملکانء گؤرا بھا نہ کتگ کہ اے اشکنگا آئی-اس-آئيء مزنین باسکے بیتگ۔