لھتے خاصین میان استمانی حال

بنگلہ دیشء سیلابء آماچ چہ 2000ءَ گیئش

بنگلہ دیش سرکارء گشگء پدا یکشنبہء سیلابءَ مرتگین مردم تنے وھدی 2000 کسءَ رستگنت و انگت باز کس گارنت۔ چہ زرءَ چست بیتگین اے سیلابءَ میلینانء مردمانء لؤگ پرؤشتگنت و آ بے لؤگ کتگنت۔

اے سیلابءَ زندگ پشت کپتگین مردم اے وھدی پہ نوشگی آپ، وراک، دوا درمان و سرءَ چیئر دیگا جاھےء تکاثر انت۔ بازین کسانء گشگنت کہ آھانء گؤرا پہ مرتگین سیادانء کل کنگا کفن ھم نیستنت۔

بنگلہ دیش سرکارءَ چہ میان استمانی واکان کمک رسینگء دستبندی کتگ۔ اے پی اف، 18 نومبر، 07

یوکرائن تھا 17 مائن کارکن کشگ بیتگنت

یوکرائنء سـیاھُوچک پڑےءَ کارکـنؤکـین 17 مردم کشگ بیتگنت و دگـہ 14 کس چیئر ترتگنت۔ اے مردم زمینء چيئرا پہ سیاھوچکء کؤچگا شتگنت کہ تراکے بیتگ و اشانء غار سرءَ لونبتگ۔

اے تراکء وھدا 457 مردم 1000 میٹر جھل؛ زمینء چیئرا بیتگنت۔ چہ اشان رکـّینؤکان 297 کس درکتگنت۔ رائٹرز، 18 نومبر، 07

گوں دگہ 12 طالبانء کشگا سرجمین حساب چہ 7000 گؤست

افغانستانء صوبہ قندھارء ژیرائی دمگءَ کاناڈائی فوج و طالبانء نیاما جنگء سوبا 12 طالب یکشنبہءَ کشگ بیتگنت و 15 ٹپـّيگ۔ اے مڑا بالیگراب ھم کاربندگ بیتگنت۔

گؤں اے 12 مرتگینان ھؤر چہ طالبانء سرکارء پرؤش دیگا دیم پہ انگو سرجمیں مردم کہ تنے وھدی تاوان بیتگنت چہ 7000 کسءَ گؤستنت۔ رائٹرز، 18 نومبر، 07