پاکستانءِ فوج کمک رسینگءِ ناما پٹــّاسکاری کنگا انت؛ بی اس او-آزاد

بی اس او –آزاد وتی حالتاکی ترانےءَ گشتگ کہ پاکستانءِ فوج مکرانءِ میتگ ناصر آباد کمک رسینگءِ ناما شتگ انت بلے اودا آیان چہ 'کلگ'ءَ یک دھقانے دستگیر کتگ و جنگ چؤپگا چہ رند یک تـَـلپین جاھےءَ رَنبینتگ و شتگ انت۔

بی اس او –آزادءِ اے بیانءَ ترس پیش دارگ بیتگ کہ فوج پہ ھمے زیتان ناصرآبادءَ یک مزنے آپریشنے کنت و بازین مردمان جنت یا دستگیر کنت، وگار کنت۔ چہ انسانی حقانءِ پانکجنوکین میان استمانی ادارہ، ھوربند و ملکان دست بندی کنگ بیتگ کہ آ پہ بلوچءِ نسل کشیءِ دارگا بلوچ گل و ھور بندان کمک بہ کن انت۔ آساپ -گدروشیا