مغربی بلوچستانءِ سیاسی گلان چہ میان استمانی ھوربند و دنیاءِ انسان دوستین ملکان دستبندی کتگ کہ بلوچ مردمان چہ کؤشءِ رکـّنیگءِ ردا گام چست بہ کن انت۔ اے کاگد امنسٹی انٹر نشنل، ھیومن رائٹس واچ، یونائٹـڈ نیشن کمیشن فور ھیومن رائٹس، یوروپین پارلمنٹ، حالکار، پٹاسکار و دیناءِ مردمانءِ ناما نبیسگ بیتگ۔لھتے چہ نوکترین ناروائیان کہ ایرانءِ سرکارءَ بلوچانءِ سرا کتگ انت، ھم مان اے کاگدءَ گشگ بیتگ انت۔ خاص مان زاھدان پنچ بلوچانءِ راستی دست و چپی پادءِ برّگ نام گرگ بیتگ۔ پدا انسانی حقانءِ میان استمانی قانونءِ نقطہ آرگ بیتگ انت و ثابت کنگ بیتگ کہ ایرانءَ اے قانون پروشتگ۔
کاگدءَ سائن کنوکین 5 گل و ھوربندانءِ نام گرگ بیتگ کہ اشانءِ توکا 'بلوچستان پیپلز پارٹی' و 'بلوچستان نشنل موومنٹ -ایران' ھور انت۔
هیچ نظری موجود نیست:
ارسال یک نظر
وتی کلوا چێرا نبیس إت