دزّءِ مـــــــــــــــــــــــــــات. شــــاعر: ولید گربنی

ســرکار کرتگ زؤرا مک
ابلـــیسءَ گـــــون پتـّی یک
لپاشـــان زید و کھچـــــران
صحب و بیگاہ، روچ وشپ

گـری و گـژ انت ھـــرگورا

ھچ نہ چــاری راست، چپ
رھشـون بندیگ بـــے مـیار
لاش تتارانت چک پہ چک

انگـــرّانت ملکءِ ھر دَمگ
شـِــیپ، کــور، کــوہ و ڈک
گـریت، کـُـــشیت گِچینیــان
چیئر پـــروشتگ انتی رک
پہ زگرین خونء چوشـّــگا
بلـــوچء گـُـٹـّا نیئشـی سک

سَـرھازگــــین سـستگ انت
زبــــان لھـڑین بسـتگ انت
پپر، جوان، چک گون مات
ظلم و زؤرا پـروشتگ انت
کتگ پنــدلان ھزارینـــــان
گٹ مان گٹ ٹک گون ٹک

بلــے بلیت انت روچءِ رژن
پروشیت روچےراجءِ گژن
پچیت پیگ روچـــــے مات
چکءِ پاشکا پــــــــــاد کنت
بلــــوچءِ واک کیئت ضرور
دزّءِ گــٹــا ســــــــــــاد کنت
نبیت ولـــید گـــــــــــار حق
بہ واھی آ ھـــــــــــزار لک