سیاست زانان دکانداری انت کہ وارثان دیگ بہ بیت؟

پاکستان پیپلز پارٹیءِ کشتگین لیڈر بینظیر بٹوءِ برات زھگ فاطمہ بٹو گشتگ کہ پیپلز پارٹیءِ لیڈرءِ بٹو بیگءِ شرط بربادیءِ نیمگا بارت انت۔ پارٹیءِ لیڈرءِ بٹو بیگء فکر رد انت و باید پارٹی جمھوری بنیادانء سرا دیما برگ بہ بنت۔ سیاست دکانداری ئے نہ انت کہ چہ پتءَ چکءَ دیگ بہ بیت و پدا نماسگءَ۔

آئی گیئش کتگ کہ آ سیاستءَ وتی پیشہ کنگ نہ لوٹیت۔ اگر اے سرپد بہ بیت کہ ملکءِ خدمت کنگءِ قابل انت گڑا ضرور پیش کنزیت، بلے آ کسےءِ نشانی بیگا واھوک نہ انت۔ انتخاب حب 13 جنوری 08

بازین بلوچان پاکستانءِ داخلی سیاسی چست إیران کار نیست انت۔ بلے میراثی سیاستءِ نقطہ پہ بلوچان دلگوش کنگا ارزیت۔ چیا کہ اے نادراھیءَ بلوچستانءِ پھکین سیاسی سروک وتی آماچ کتگ انت۔ البت اودا سیاستءِ بھر بانکا جنین چک "چک ونڈ" بیگا انت۔ هر پیم، میراثی سیاست گوستگین دورءِ پشت کپتگین شگانے انت کہ بلوچانء چکـّا ھست انت۔