وتا سندی راج دوست پیشداروکین کماشین سندی لیڈر و سند نشنل فرنٹءِ سروک ممتاز بٹو وتی برات زھگ بینظیرءِ کشگا چہ رند پیپلزپارٹیءِ سروکیءَ آصف علی زرداری و آئیءِ چکءَ دیگءِ سرا لاپسوچیگ انت و چہ ھر کسءَ گيئشتر سٹـّگ کپگا انت۔ بلوچی نیوزمیرپور بٹوءَ گون ڈیگ وارتگین مردمان ممتاز گشتگ کہ آئيا بینظیر بٹوءِ 'شھادت'ءَ سک افسوز انت، بلے حیران انت کہ السءَ پرچا بینظیر بٹوءِ برات مرتضی بٹوءِ موت شموشتگ! آئي گيئش کتگ؛ آصف علی زرداری پیسرا بٹوءِ نام بھا کتگ و زر کٹــّتگ و دیمترا ھم ھنچوش کنت۔ چمشکا من بٹوءِ نامءَ بدنام کنگا نہ إللان و بٹو کنبءِ مِلک، ھَرابہ و لوگانءِ نزیکا ھم زرداریان آیگءِ اجازت نہ دیان۔
آئيءِ گشگءِ پدا؛ نوڈیرو کہ اودا زرداری نشتگ و وتی جنءِ چل روچی سوگا دارگا انت، بٹو خاندانءِ خان بھادر احمد خان بٹو شاھڑءِ بـِیھ انت۔ توار14 جنوری، 08
زانگ نہ بیت کہ بارین پیرپگاڑاءِ اے حبرءِ جوابا کہ" بٹو پنجابی انت"؛ ممتاز بٹو چے گشیت۔
ترانگ بہ کپ ات کہ ممتاز بٹو 1970 دھرا کہ بلوچستانءِ سرا آئی برات ذوالفقارعلی بٹوءِ سرکارءَ فوجی یورش برتگ ات سندءِ سروزیر بیتگ۔ بٹوءِ کشگا چہ رند آئی لندنءَ شتگ ات و گون عطاءاللہ مینگل و دگہ لھتے پٹانان 'سندی بلوچ پشتون' فرنٹے جوڑ کتگ ات کہ رندترا وھدے پاکستانءَ ضیاءالحقءِ فوجی دور ھَـلِــّت گڑا اے فرنٹ ھم بیران بیت۔ بلوچی نیوز
هیچ نظری موجود نیست:
ارسال یک نظر
وتی کلوا چێرا نبیس إت