مشرقی بلوچستان: لهتے خاصین حال چہ اردو حالتاکان

سروزیر صالح بوتانی دلرجین سرداران وشـّان کنت

.

بلوچستانءِ ھداروکی سر وزیر صالح بوتانی گشتگ کہ آئی گوں بلوچستانءِ پہ دلین سرداران پہ آیانءِ وشـّان کنگا ڈیک وارتگ و آیان شرین جواب داتگ۔ آئی دیمترا ھم ڈیک ورگءِ واھگ درشان کتگ و گشتگ کہ ھمے سردارانءِ برکتا بلوچستان گون پاکستانءَ ھور کنگ بیتگ۔ اگر اے مہ بیتین انت گڑا مرچی پاکستانءِ توکــا بلوچستانے نہ ات۔

آئی گيئش کتگ؛ اختر مینگلءِ سرا کورٹءَ کیس أنگت انت، بلے چہ کورٹءَ ڈن ھم جیڑھا ٹھینگءِ جھد بیگا انت۔ انتخاب 14 جنوری 08

.

بی اس او -آزادءِ کارپد مان بی اس او محی الدینءِ سرا

بی اس او-محی الدینءِ چیئرمین محی الدین گشتگ کہ ھنوکین فریم ورک توکا گچینکاریان بھر زیرگ و پارلمنٹءَ روگءِ مانا بلوچستانءِ سرا دگرےءِ واجھکاریءَ منـّگ انت۔ انتخاب 14 جنوری، 08

بی اس او –محی الدین بلوچستان نشنل پارٹی -مینگلءِ منـّوکین شارگرد گلے انت و ھما کشکےءَ که سردار اختر مینگل رندگری کنت اے ھما راہءَ رو انت۔

بی اس او –آزاد ھما گل انت کہ چہ بندرا گچینکاریانءِ خلافا بیتگ و بلوچستانءِ سرا پاکستان، ایران و افغانستانءِ زوراکیانءِ خلافا توار چست کنگا انت۔

چہ مینگل و نشنل پارٹیءِ دستءِ چيئرءِ بی اس او ٹولیانءِ نیمگا ووٹانءِ تھروز کنگا بی اس او –آزادءِ لھتے باسک وتی فکرءِ سوبینی منـّگا انت و دگہ لھتے انگت اشانءِ سرا شک کنگا انت۔