امریکاءِ دوستین ملا فضلو و آئيءِ ھوربند مشکلانءِ آماچ

پاکستانء مزھبی اتحاد 'متحدہ مجلس عمل' ٹکر ٹکر بیتگ۔ گچینکاری انگت دیر انت بلے اشانءِ سرا رتکگین ووٹانءِ اولی درد (drad) درا انت۔

اے تپاکیءِ توکا چہ پھکان گيئشتر تاوان فضل الرحمانءِ ٹولی گندگا انت۔ چہ ام ام اے اشیءِ در کنگ بیگا گون ھور اشیءِ وتی 'جمعیتءِ علماء اسلام' پروشت پروشءِ آماچ انت۔ خاص بلوچستانءِ توکا بازین پٹان ملایان کہ پیسرا ھور تنت و ھمشیءِ نامءَ وزیریءِ شیرکنین تامءَ چشگا تنت، نین ھر یک وتا چہ اے تنظیمءَ سِندگا انت و وتی وتی ٹولی اڈ کنگا إنت یا آزاد امیدوارءِ نامءَ ووٹان بھر زیرگا انت۔

اے ردا نوکترین بیان کہ پاکستانءِ حالتاکان شنگ بیتگ چہ جماعت اسلامیءِ سروک قاضی حسین احمدءِ نیمگا آتکگ۔ آئیءِ بیانءَ گشگ بیگا انت کہ فضل الرحمان ام ام اےءِ نمایندھے نہ انت و نیکہ چہ ام ام اے نیمگا گچینکاریان بھر زیرگا انت؛ آئي چہ وتی ٹولیءِ نیمگا گچین کنگ بیگءِ امید وار انت۔

ترانگ بہ گپ ات کہ فضل الرحمان امریکاءِ دوستین ملائے انت و چیزے ماہ پیسر امریکائیان بیانے داتگ ات کہ گون فضل الرحمان ھور کاری کنگا امریکائی واک راضی انت۔