برطانیاءِ پالیسیانءِ سرا افغانستانءِ صدرءِ گچّہ چنی

افغانستانءِ صدرءَ ھلمند صوبہءِ توکا برطانیاءِ پالیسی کچّہ چتگ انت و گشتگ کہ برطانیاءِ فوجیانءِ ھلمند صوبہءَ روگءِ سوبا طالبانءِ راہ پچ بیتگ۔

آئی گيئش کتگ و گشتگ؛ امریکا و برطانیاءِ واکان منا دلجم کتگ کہ آ چہ وتی کاران سرپد انت و زانگا انت کہ چے کنگا انت۔ من آیانءِ حبرانءِ باور کنگا ردی کتگ۔ پچیا کہ وھدے آ ھلمند صوبہءَ شتگ انت، طالبان ھم اودا شتگ انت۔ پیسرا کہ اودا مئے گورنر ات، ما واکدار تنت، مئے وتی پولیس ھست ات۔ اشانءِ دیرکنگا ما ردی کت۔ فاننشل ٹائم

۔

ترانگ بہ کپت کہ گوستگین ھفتگان پہ -یو ان- کار کنوکین دو برطانیائی بے جستءَ ھلمند دمگءَ روگءِ سوبا چہ اودا افغانستانءِ سرکارءَ درانڈیھ کتگ تنت۔

۔

دگہ یک گپے دلگوش کنگ لوٹیت کہ اے دمگءَ برطانیا و امریکائی فوجان رَوَگا چہ رند میر بالاچ مری شھید کنگ بیتگ ات۔

ویڈیو گیمءِ غیر اسلامی کاربارءِ واھندءِ سر بُرّگ بیت

پاکستانی پنجابءِ شھر گوجرانوالہءَ وتی سنگتےءَ کشگءِ سوبا کشوک محمد خالدءَ دو رندءَ مرگءِ سزا دیگءِ حکم دیگ بیتگ۔

قاتل خالد محمود پنجابءِ جھادیانءِ میتگ 'شھیدان والا پنڈ' بزان شهیدانءِ میتگءَ جاہ منند بیتگ۔ آئيءِ یک لنگ و لچین سنگتے بیتگ کہ ویڈیو گيمءِ کار بارئي کتگ؛ چہ دوئین دستان و یک پادےءَ معزور بیتگ۔ گون آئی بید چہ ویدیو گيم دگہ کاربار بیت نہ کتگ۔

بلے خالد محمود آئي حکم داتگ کہ یا وتی کاربارء انگار بہ کنت وگنہ آئيءَ کشیت۔ چہ کشگ بیگءِ ترسءَ مشتاق وتی کاربارءَ بُھا کنگءِ جارے دکانءِ دیما ھم جتگ۔ بلے چہ اے پھکان قاتل إیکیم نہ بیتگ و یک روچے کارچے زرتگ ئی و آئی ئي ھلار کتگ۔

قاتل خالد محمد افغانستانءَ سکین گپتگ کہ اودا القایدہ و طالبان آئي سرانءِ برّگ سکـّارینتگ۔ توار