برطانیاءِ سرکار مخالف سیاسی گل "کنسرویٹو"ءِ سروک 'دیوڈ کمرون' گشتگ کہ ملکءِ وزیر اعظم ٹرورسٹی قانونءَ پہ وتی سیاسی مقصدانءِ دیما برگا و کنسر ویٹو پارٹیءَ جھل پیش دارگا کار بندگا انت۔سرکار پارٹی "لیبر" جھدا انت کہ ھنوگین ٹرورسٹ مخالف قانونءَ بہ مٹـّينیت و اشیءَ انگت سکتر بہ کنت۔ ھنوگین قانونءَ ردا پولیس مردمان ٹرورسٹ بیگءِ شکءَ تا 28 روچ بید چہ کورٹءِ دیما پیش کنگا وتی گورا داشت کنت۔ لیبر پارٹی لوٹیت اشیءَ نین 42 روچ بہ کنت۔
مخالف پارٹی کنسر ویٹو و لبرل ڈموکراٹءِ مردمان گشتگ کہ آ اے قانونءَ توکا بدلی آرگءِ خلافا انت و سرپد انت کہ اے ڈولین قانون پارلمنٹءِ دیما آرگا سرکار لوٹیت کہ مردمانءَ دیما پیش بہ داریت گہ آ چہ ما گيئشتر ٹرورسٹانءِ خلافا انت۔
ڈیوڈ کمرون گشتگ؛ وزیر اعظمءِ مشکل اش انت کہ آ مُدام شوھاز کنت ھنچین راہ ئے در بہ گيجیت کہ پیش بہ داریت آ چہ ما مختلف انت۔ آ اے نه چاریت کہ پہ ملکءَ چے شر انت۔ یاھو
هیچ نظری موجود نیست:
ارسال یک نظر
وتی کلوا چێرا نبیس إت