حالکارءِ ٹکین جُستءِ سرا مشرف زھر گپت

پاکستانءَ شنگ بیوکین انگریزی روچتاکءِ نمایندہءَ جستءَ مشرف سوتکگ و حالکارءِ سرا زھر گپتگ۔

بی بی سیءَ شنگ بیتگین حالءِ ردا لندنءَ گون حالکاران گپ ترانءِ وھدا چہ پاکستانءِ صدر مشرف ڈان روچتاکءِ نمایندہ ضیاء الدین جست کتگ کہ وھدے پاکستانءِ پولیس راشد رؤفءِ ڈولین ٹرورسٹءَ داشت نہ کنت گڑا مردم شک کن انت کہ اے ملک وتی اٹومی بنجاھان چؤن رکـّينت کنت۔ اشی چہ رند مشرف وتی لنکک دیم پہ اے حالکارءَ تِچک کتگ و گشتگ؛ اے شما ات کہ مفتین حبر اڈ کن ات، پدا درملکی شمے حبران زیر انت و تالان کن انت۔ اے چاریگی ادارھانءِ سرا بُھتانے انت۔

چہ مشرفءِ نیمگا ڈانءِ حالکار ضیاء الدینءِ حبرءِ رشتگءَ گون چاریگی ادارھان جوڑینگ پیش داریت کہ راشد رؤفءِ تـَچَگ یوکا تـَچَگے نہ بیتگ۔ اشیءِ توکا چیئرین دست ھور انت۔ ولید گربنیءِ نبیستگین انگریزی آرٹیکل "سرحالان چہ آدیم"ءِ
http://balochwriters.blogspot.com/2008/01/world-conspiracy-against-baloch-behind.html توکا اشارہ کتگین خیالانءِ راست بیگ الـّمتر بیان انت۔ البت بیت کنت کہ اے ڈرامہءِ توکا پاکستانءِ مکــّارین واک برطانیاءِ چاریگان پہ وتی مقصدانءِ دیما برگا گلائینگا بہ بنت۔ یا ھنچؤکہ باز جاھان خیال ظاھر کنگ بیتگ لیبر پارٹی مان برطانیا جاہ منندین پاکستانیانءِ ووٹانءِ دوستیءَ پاکستانی سرکارءِ دستان چاپ جنگا انت۔