مغربی بلوچستان: چاہ بھار شھر ھورء ترندین شرتگان‏ء آماچ

مروچیگین –جعمہءِ- بیگاہءَ یک رندے پدا بلوچستانءِ تیابدپی شھر چاہ بھارءَ ھورءَ إیر داتگ۔ إے ھورءِ تـُرندین رگامان لوڑے ھم گون بیتگ و إشانءِ سوبا بازین تاوان بیتگ۔

چاہ بھارءِ شھردار واجہ حمیداللہ بلیدہ گشتگ: لوڑءَ بازین سائن پوسٹ دور داتگ أنت و بازین درچکانءِ شاھڑ پروشتگ أنت۔ بید چہ إشان صادرات بنکءِ کانچانءِ پروشگا لھتے مردم ٹپـّیگ ھم بیتگ أنت۔

ھندی نادراہ جاہءِ مردمان کشگ کہ تنے وھدی اودا شش ٹپـّيگ پہ دوا درمانءَ آرگ بیتگ أنت۔ ارنا